酒鍋 (天文臺道) (已結業)

最近留意到，原來酒鍋在尖沙咀都有分店，令我心郁郁想再品嚐佢哋美味的湯底。尖沙咀分店環境更佳，座位更闊落，以紅色色調為主。搵齊四隻腳，今次就揀咗四款湯底，大名叫「行走江湖」。其實就係清酒海鮮鍋，番茄牛尾鍋、醉雞鍋同啤酒魚鍋。真係好欣賞呢間店的湯底，每一款都好有特色，而且唔係常常食到。今次我就最鍾意清酒海鮮鍋，酒味唔太搶，但會慢慢滲出嚟。而番茄牛尾鍋當中的牛尾就非常美味，係我當晚最喜歡的食物之一。牛肉賣相唔錯，味道都幾好，可惜份量略少。羊肉相對較為抵食。海鮮拼盤好夠排場，當中蟶子王最好食，真係啖啖肉，而且一粒沙都冇。熊本熊當然係必點食物，雖然味道真係幾普通，但打卡確係一流。七星報喜原來係七款唔同的手打肉丸，為菜式命名的心思亦係我欣賞呢間餐廳的原因。蔬菜拼盤色彩好繽紛，份量都幾多。其他餃子類亦各有特色。整體而言，係一間非常創新的火鍋店，由湯底至每一款配料都有獨特的元素，菜名亦非常特別，確能帶俾人唔少新意，絕對值得一試。但如果價格能下調少少，相信我會更頻密光顧。