煜焙軒 (已結業)

又到咗食羊腩煲嘅季節，依間火鍋店唔單止有各色湯底，亦主打生猛海鮮，可以打邊爐或者刺身，先嚟一份三文魚什錦拼盤，有肥美嘅三文魚、鮮甜嘅帶子、仲有爽脆彈牙嘅牡丹蝦同北寄貝。秘製雙冬羊腩煲套餐好抵食，套餐包括大枝藍妹、炸魚皮和唐生菜。羊腩至少有數十件，每件都係靚部位，唔會比啲好鞋的部位，肥瘦適中，越煮越入味，羊羶味不算好濃，大眾化口味😌炸魚皮塊塊都大大塊，疊到山咁高，飲住啤酒🍻吃，特別爽！我加咗啲海鮮，手打蝦滑和今日時令海鮮蟶子王。 手打蝦滑每口都食到蝦仁和爆汁的三文魚籽，足料又有口感。蟶子王好新鮮，肥美鮮甜。由於個煲都幾多肉，所以今次只叫住咁多先。店員話10點後入座，仲會有折扣，下次再嚟試其他火鍋配料。