Mini Friday (銀城廣場) (已結業)

旺角東京銀城雖然人流不暢旺， 但係上高幾層嘅9樓mini friday, 卻好似日日都係星期五咁， 人流如注， 即使平日夜晚去都座無虛席， 可想言之， 呢度係幾得客人的歡心。 溫泉蛋波菜大啡菇78 即叫即焗， 大啡菇夠厚肉， 配埋流心蛋勁juicy， 菠菜唔會覺得過乾， 呢份前菜 簡單得嚟， 而且仲營養十足。 另外仲叫咗個dinner set，套餐包田園沙律及是日餐湯。 沙律菜新鮮爽脆， 沙律醬酸甜開胃。 餐湯係雜菜湯， 微暖開位， 而且材料都幾多有雜豆雜菜，不錯。 香煎澳洲羊架 羊架賣相不錯， 而且一盒有三支羊架，每支都幾大件， 羊架肉質軟淋帶點羊羶香 。 薯蓉做得軟滑，而且仲有 黑松露喺中間調味。 晚餐包飲品 ，以及仲可以加一蚊叫甜品， tiramisu 細細件， 啱曬小食嘅我。