影片
更多
2023-07-04
68 瀏覽
今日咁岩係星期一，不如就食得健康D，奉行 Green Monday的宗旨，今次就揀左係灣仔想試好耐的素食為主的OVO Café。地點位置唔算難搵，主要係著名景點藍屋對面，而一入到去OVO Café就好似置身係綠野園林當中，首先望到一幅綠油油的牆，之後就有好多植物擺設同盆栽，完全感受到Green的氣氛。講番食物，OVO Cafe有提供晚餐套餐，都好豐富，包括前菜、湯、小食、主菜同埋飲品。前菜係鮮果沙律，無論沙律菜同生果都好新鮮又夠甜。湯係好足料的蘑菇湯，而小食就叫左兩款。第一款係芝士焗西蘭花，或者佢用奶而唔係全部落芝士同忌廉，所以食落去唔會好膩。而另一款小食沙嗲串有驚喜，首先個醬調得幾好，唔算好辣，最重要食落去「雞肉」好有口感，唔覺得似食緊素菜的感覺。之後輪到主菜，第一款係Impossible Meat焗肉醬意粉，選用鮮茄醬，所以味道唔會過鹹，覺得好清新，而舖上四重芝士夠晒惹味。至於另一款日式咖喱吉列豬扒飯，呢個真係全晚最驚喜之處，「豬扒」相當厚切，撈埋咖喱汁後，食落去幾乎同食真豬扒無異，仲無埋有時豬肉的騷味。如果唔係今晚知道食緊素食Café，都幾肯定我分唔到係素豬扒定真豬扒，黎到呢度絕
地點位置唔算難搵，主要係著名景點藍屋對面，而一入到去OVO Café就好似置身係綠野園林當中，首先望到一幅綠油油的牆，之後就有好多植物擺設同盆栽，完全感受到Green的氣氛。
講番食物，OVO Cafe有提供晚餐套餐，都好豐富，包括前菜、湯、小食、主菜同埋飲品。前菜係鮮果沙律，無論沙律菜同生果都好新鮮又夠甜。湯係好足料的蘑菇湯，而小食就叫左兩款。第一款係芝士焗西蘭花，或者佢用奶而唔係全部落芝士同忌廉，所以食落去唔會好膩。而另一款小食沙嗲串有驚喜，首先個醬調得幾好，唔算好辣，最重要食落去「雞肉」好有口感，唔覺得似食緊素菜的感覺。
之後輪到主菜，第一款係Impossible Meat焗肉醬意粉，選用鮮茄醬，所以味道唔會過鹹，覺得好清新，而舖上四重芝士夠晒惹味。至於另一款日式咖喱吉列豬扒飯，呢個真係全晚最驚喜之處，「豬扒」相當厚切，撈埋咖喱汁後，食落去幾乎同食真豬扒無異，仲無埋有時豬肉的騷味。如果唔係今晚知道食緊素食Café，都幾肯定我分唔到係素豬扒定真豬扒，黎到呢度絕對要試下!
最後額外叫左一個Signature的甜品朱古力香蕉西多士，西多士新鮮即炸，配上朱古力醬同里雲妮嗱雪糕，充滿邪惡感覺。
不得不讚的係佢背景音樂都充滿禪味，好有洗滌心靈的感覺，坐係Café就已經感到好舒適的感覺。整體黎講，無論環境同食飯都非常有水準，絕對值得推介!
張貼
