青花 (THE FOREST)

今次已經係二訪依間餐廳！泰國菜一向係平民美食type，搬上有靚靚裝潢坐得舒服嘅餐廳，仲以為價錢都會相對偏貴，但依到嘅定價其實係比合理更加抵。仲有植物﹑裝飾陪伴，係適合聚餐嘅餐廳～❝藍蝶花蟹肉菠蘿炒飯❞ ($138)〔推介！〕初訪時同樣點選咗呢份炒飯，二訪確認質素穩定地好。炒飯用上藍蝶花令色水吸引，米飯粒粒分明夠鬆散，個人最愛加上甜甜地嘅肉鬆一拼享用，蟹肉鮮度高而份量多，菠蘿夠鮮甜，出色！❝炭燒豬肉串燒沙嗲❞ ($76 / 4串)依個價錢有4大串串燒，相當抵食，脂肪比例相對地少。附上沙嗲汁偏向順滑無顆粒，同樣惹味。❝酥炸雞棗❞ ($68)外層酥脆﹑食到最後都無變淋，內層係以雞肉及粉漿所製成嘅餡料，配合甜酸醬一同享用頗為開胃。❝芒果糯米飯❞ ($78)〔推介！〕被芒果糯米飯狂人(meeee) approved！椰漿夠多夠濃﹑糯米飯夠黏夠煙韌，甜度適中，仍有微溫令糯米飯更軟熟可口，芒果鮮甜多汁，份量完全足夠2-3人做飯後甜品share。❝楊枝甘露奶蓋❞ ($48) & ❝泰國珍珠奶茶奶蓋❞ ($48)〔必嗌！〕食泰國菜次次都飲青檸梳打，今次試杯特別一點的。奶蓋濃稠而帶少少海鹽鹹味，楊枝甘露個