更多
2021-05-25
4215 瀏覽
今次去蟹道食Omakase （廚師發辦),一入到去已經俾佢好大隻蟹型裝飾吸引，Lunch嘅Omakase $1,600 一位，同夜晚差唔多價錢，佢哋嘅店長係日本主廚，我哋係星期日lunch去，朋友話平日lunch time係爆滿嘅，因為佢全場得十幾個位，嗰日就得我哋同另外一枱，另一枱重係日本人，令我哋真係置身日本嘅感覺，未講食物之前，一定要讚佢嘅服務，嗰位男侍應服務真係一流，係一個識日文嘅香港人，所以當然上每一道菜佢都用廣東話同我哋解釋得好清楚，又會主動喺我哋提問之後俾啲有趣嘅嘢我哋睇，例如有一個前菜入邊有一條魚仔，我哋講開究竟係一條乜嘢魚，跟住佢就將一個小型魚缸拎嚟話比我哋聽就係游緊水嗰啲😂又話說我哋見到日本主廚拎住一個發泡膠盒比隔離枱睇，我多口一問侍應，佢話係游水鰻魚，隔離枱叫咗鰻魚飯，佢哋嘅鰻魚係新鮮嘅，所以通常會先攞比客人睇，跟住就拎咗個箱鰻魚嚟比我哋見識吓鰻魚游水🤣，順帶一提佢哋嘅鰻魚係需要預先預訂㗎！而且lunch嘅鰻魚比dinner價錢平一半講返食物🦀🦞未食之前，佢會先拎當日新鮮嘅主打食物比我哋睇，我哋當日係北海道雪場蟹，松葉蟹，毛蟹同龍蝦，佢哋用嘅蔬菜都係日本新鮮運到嘅
一入到去已經俾佢好大隻蟹型裝飾吸引，
Lunch嘅Omakase $1,600 一位，同夜晚差唔多價錢，佢哋嘅店長係日本主廚，我哋係星期日lunch去，朋友話平日lunch time係爆滿嘅，因為佢全場得十幾個位，嗰日就得我哋同另外一枱，另一枱重係日本人，令我哋真係置身日本嘅感覺，
未講食物之前，一定要讚佢嘅服務，嗰位男侍應服務真係一流，係一個識日文嘅香港人，所以當然上每一道菜佢都用廣東話同我哋解釋得好清楚，又會主動喺我哋提問之後俾啲有趣嘅嘢我哋睇，例如有一個前菜入邊有一條魚仔，我哋講開究竟係一條乜嘢魚，跟住佢就將一個小型魚缸拎嚟話比我哋聽就係游緊水嗰啲😂又話說我哋見到日本主廚拎住一個發泡膠盒比隔離枱睇，我多口一問侍應，佢話係游水鰻魚，隔離枱叫咗鰻魚飯，佢哋嘅鰻魚係新鮮嘅，所以通常會先攞比客人睇，跟住就拎咗個箱鰻魚嚟比我哋見識吓鰻魚游水🤣，
順帶一提佢哋嘅鰻魚係需要預先預訂㗎！而且lunch嘅鰻魚比dinner價錢平一半講返食物🦀🦞
未食之前，佢會先拎當日新鮮嘅主打食物比我哋睇，我哋當日係北海道雪場蟹，松葉蟹，毛蟹同龍蝦，佢哋用嘅蔬菜都係日本新鮮運到嘅時令蔬菜🥬🥕
*前菜
*刺身蟹腳吞拿魚腩 - 食物好食鮮甜就不在話下，當中我哋發現一串以為係小生果嘅物體，原來係日本超小型蕃茄仔🍅
*燒物 - 蟹， 燒咗都非常鮮甜啖啖肉
*漬物
*龍蝦蔬菜天婦羅 - 做咗天婦羅，龍蝦仍然彈口
*毛蟹 - 起咗蟹肉，加上蟹膏，非常鮮甜
*蟹肉海膽魚子撈飯 - 主廚親自嚟到喺我哋枱面打開蟹蓋，幫我哋拌飯，另外有成碗魚子，可以自己加喺拌飯上面，
之後主廚仲好高興咁將啲蟹蓋搭起煲蓋上面比我哋影相📷
*龍蝦湯🦞- 非常鮮甜
*飯後生果係日本蜜瓜
冇得飛日本，但可以食咗一餐好似置身喺日本當中嘅蟹道廚師發辦Omakase,感覺非常滿足，環境舒適，服務超好，食物新鮮美味，真心講比呢個價錢真係好值得👍🏻👍🏻👍🏻
張貼
