台灣郎 (已結業)

好耐無去台灣，心血來潮去搵餐台菜食！ 由天后地鐵站行去餐廳大約兩至三分鐘，位置十分方便。餐廳有兩層，我地坐喺下層，裝修走懷舊路線，雖然枱與枱之間唔算闊落，但都算坐得舒服！菜單選擇都頗多，我地只得兩個人，最後揀左一個台灣牛肉麵、避風塘炒時蔬、蚵仔煎、炸香菇貢丸。飲品方面就點左一杯熱洛神花茶同埋一杯凍珍珠奶茶。炸香菇貢丸率先上場！貢丸炸得香口但唔會太乾，彈牙得黎有濃濃肉香；唯一美中不足係只得三大粒，真係唔夠喉啦！接住再黎個台灣牛肉麵！呢碗牛肉麵份量非常多，一個女仔自己一碗都未必食得哂！湯底香濃但唔咸，麵身亦算彈牙有咬口，最正係牛肉！鹵得好淋、但口感好好，有好豐富膠質，牛味亦十分濃郁！好正呢！配料仲有紅蘿蔔、白蘿蔔同埋酸菜，蘿蔔甜甜地，酸菜亦好開胃，整體好豐富！蚵仔煎薄薄地，頗為香脆，蚵仔煎最怕食到有沙，呢、度食哂成塊都唔覺有，蠔仔份量好多，加上大量蔥花，再配上特製醬汁，食到唔停得口！極速已經比我地K.O哂！避風塘炒時蔬用左油麥菜，炒得剛好又唔會太油膩。飲品大大杯！洛神花茶飲落清清地好舒服、唔會太甜，女士至愛！朋友話佢杯珍珠奶茶茶味香濃，好飮過香港好多台式飲品店！見到附近好多枱都有點「肉燥飯