影片
更多
2008-01-13
15 瀏覽
見呢間0野0係Openrice 係唯一一間無喊面的中菜館, 今日一行4 人訂了6:45pm 檯0黎試試.坐低後叫了6 個(食送), 唔夠5 分鐘就有得食, 0野食仲0黎好快, 結果我0地只係用了30 分鐘就食晒... 整體水準唔算好食到dum 一聲, 不過美心集團0黎講, 佢又真係罕有地好食:- 醉雞: 酒味適中, 好香又帶甜, 皮同肉都好滑, 好食!- 鍋巴配鮮菇汁: 鍋巴夠脆亦夠米香, 唔油, 不過唔係新鮮熱辣辣炸起, 點都差少少; 鮮菇同d 汁味道都一般, 亦比較稀, 似湯多過似汁.- 蟹粉豆腐: 豆腐好滑, 蟹粉就略腥, 可能大閘蟹季時食會好d...?- 樟茶鴨(半隻): 好好肉地, 羶味幾勁, 亦好濃五香(?)味, 唔算好油, 食落我覺得鹹0左d, 不過味道都唔錯啦.- 松子黃魚: 呢個最好食, 賣相靚之餘又炸得好脆, 脆到連骨頭, 魚鰭同魚頭都可以全部食晒落肚! d 汁酸酸甜甜黐笠笠, 而且落了蝦, 蕃茄同洋蔥, 口感味道都豐富唔少, 好好食! 唔知呢個係咪signature dish?- 上海排骨炒年糕: 年糕煙韌, 排骨係豬扒, 好好肉亦幾肥, 芡汁幾杰, 食落一般
坐低後叫了6 個(食送), 唔夠5 分鐘就有得食, 0野食仲0黎好快, 結果我0地只係用了30 分鐘就食晒... 整體水準唔算好食到dum 一聲, 不過美心集團0黎講, 佢又真係罕有地好食:
- 醉雞: 酒味適中, 好香又帶甜, 皮同肉都好滑, 好食!
- 鍋巴配鮮菇汁: 鍋巴夠脆亦夠米香, 唔油, 不過唔係新鮮熱辣辣炸起, 點都差少少; 鮮菇同d 汁味道都一般, 亦比較稀, 似湯多過似汁.
- 蟹粉豆腐: 豆腐好滑, 蟹粉就略腥, 可能大閘蟹季時食會好d...?
- 樟茶鴨(半隻): 好好肉地, 羶味幾勁, 亦好濃五香(?)味, 唔算好油, 食落我覺得鹹0左d, 不過味道都唔錯啦.
- 松子黃魚: 呢個最好食, 賣相靚之餘又炸得好脆, 脆到連骨頭, 魚鰭同魚頭都可以全部食晒落肚! d 汁酸酸甜甜黐笠笠, 而且落了蝦, 蕃茄同洋蔥, 口感味道都豐富唔少, 好好食! 唔知呢個係咪signature dish?
- 上海排骨炒年糕: 年糕煙韌, 排骨係豬扒, 好好肉亦幾肥, 芡汁幾杰, 食落一般水準啦... 都係雪菜毛豆年糕0岩我口味多d.
環境一流, 裝修靚得似酒店, 坐得舒服又乾淨; 招呼一般, waiters/waitresses 們態度麻麻, 不過起碼會主動換骨碟同沖茶, 算啦.
埋單約$165 一個頭, 雖然整體算唔上一流, 但0係咁靚0既環境下食飯, 感覺都幾好... 而且佢條松子黃魚真係幾好食.
會考慮再幫襯... 下次帶埋其他屋企人0黎試試佢d 片皮鴨都好!
張貼
