喜百合 (已結業)

今天出去飲茶，四圍也要等位，想食其它的餐廳，發現仲有一間酒樓，原來係喜百合，竟然大量吉枱，心諗一定係好貴，仕应安排我們坐卡位，好隱蔽的地方，搵個人也沒有. 仕應放低了一碟前菜, 係花生木耳青瓜粒, 都幾好味的, 夠開胃及爽口呀. 不過花生有依的, d依仲要散開晒呀. 環意都好靚的, 好堂皇.我們點左點心及飯, 蘿白糕賣相唔吸引, 好白, 冇料架, 又唔係好熱喎, 好粉, 一般.蝦卷, 都OK, 不過都唔係好熱的, 蝦都啖啖都係.叉燒腸粉, 又係唔夠熱, 個皮唔算薄身, 只是一般仲有蝦餃, 鮑汁鳯爪, 魷魚酥, 楊州炒飯, 牛肉, 燒賣, 雞包仔, 蝦餃都幾好味及多蝦的, 都爽口, 燒賣都係, 好味道的, 唔會好多肥肉, 鮑汁鳯爪都幾好, 個汁唔會好咸, 鳯爪都入味及夠淋身的, 魷魚酥好細條, 細碟, 唔係好熱及酥脆, 麻麻地, 楊州炒飯可以, 都好足料, 份量適中. 雞包仔好細隻架, 牛肉有兩粒, 都大及味道OK的. 仲叫左甜品, 椰汁糕及玫瑰紅豆糕, 紅豆糕一點玫瑰味道也沒有, 都好多紅豆的, 味道可以, 唔會好甜的椰汁糕都好香椰汁味, 夠晒白. 都唔會過淋, 夠實的.整體來說, 這

人老了丶愛回想！回想帶着囡囡去飲茶。但已成長了的她與她，不時上班，閑時拍拖，有時和朋友聚會，於是，我與靚太多了相親相依的時間。今天靚太放下午，要去街買嘢，晚上來的客人有口福了。我的福氣在中午已到了。我的小親親晚上才有工作，於是一同回到未老時，返去早年常到的 喜 百合酒樓，一家大堂寬敞，餐枱間格分明，傾計大笑也不影響旁人的好地方。我與細囡午餐胃口不大，首選外脆內嫩的炸九肚魚，我們十分愛吃的點心，兩口一條，不能再多，它的汁遊走在脆皮上，要找對時間，不能遲。另一個不可缺乏的是XO醬炒腸粉，小小辣帶點焦糖香，足夠兩人份量。小朋友不可吃得太辣，此XO醬拿到剛到的位罝，添上老抽在淡味腸粉，可說是大發明。而食炒腸粉，一定要佩上芽菜仔，滑的粉與脆的芽菜，一同放進咀裏便恰到好處。小時候的她已愛辣，食麵丶蝦餃及煎蘿蔔糕等，加上不同的辣，辣油丶辣醬或北方豆板醬都產生不同味道，已是小食家呢。

昨天重陽假期早上參加完活動，中午到 Megabox 找吃 ，想不到間間酒樓都爆哂，獨有這酒樓有大量空位，真好(以為) ！拿起點心紙，單是叉燒包都要 $45(是假期專用"特價"點心紙 ), 其它點心都算貴，我實在揀不落手，最後只 order 了七個點心+抄兩碟野，九個大人又怎會飽，但已經要成 $500 了，之前仲要計錯我們 20 位茶錢添 ($200), 幸好我地有 check 單習慣，($610 改回 $498) , 不過除了價錢，食物的量也少，鮮竹卷得一條，珍珠雞得兩件，而且是迷你形，腸粉皮厚。。。質素真的不值一提。酒樓空間尚算闊落光猛。

除夕中午跟同事和客人食飯慶祝除夕，但係所有食物都好油，包括點心，而且餸菜方面特別是豆苗（已經是清炒） 食完剩半碟油。 瑤柱蛋白炒飯都是油膩，半碟無人食。食完個胃勁油膩。雖然環境係好。但食物水準真的不可接受

好耐無見啦! 自從9月開始寫食評, 每星期都去唔同餐廳希望寫多d唔同嘅野食,  今次就為大家介紹片皮鴨 雪菜毛豆百頁$78之前去過河南交流旅行, 當地會用呢種豆乾麵煮唔可嘅菜式, 返黎見到餐廳有就會點黎試下廚師會點煮 有雪菜毛豆更加口感, 但就鹹咗d片皮鴨$340 (如果做三食都係同價)師傅首先用布包住鴨頸, 好純熟咁切出香脆燒鴨皮, 燒鴨要夠肥先好食, 一咬淡脆皮, 鴨油嘅甘香沖住出黎

呢間係我星期六日黎飲茶嘅飯堂 差唔多點心都食過 煎炸點心小特別好食牆用上不同顏色的花卉圖案牆紙 開揚景色感覺好舒服發覺美心集團旗下酒樓多數係用呢道小食豆腐青豆木耳花生 有小小辣 XO醬煎腸粉 $22(原價$44)其中一樣我掛住嘅小食煎得好用心 多d XO醬就好啦煎窩貼 $23 (原價$46)北方嘅包法 豬肉餡料有肉汁煎得幾脆 不錯鮮魚粒泡飯 $28奶白色嘅魚湯好吸引好多乾瑤柱 相對魚粒較少*星期六日假日 半價點心小食 好抵食

激發我寫第一編食評, 真係多謝喜百合, 因為我咁大個人真係未食過咁難食既點心!!星期六到mega box, 見到佢係美心集團其下應該有質素保証, 而下午茶又半價就入去試一試, 張點心紙印刷幾靚, 但選擇唔多, 我同老公就揀左d普遍酒樓都有既點心落單.落完單唔洗5分鐘, 我地點既所有點心即刻黎曬~超快!! 每様點心食左1件(即刻想喊, 個種難食既情度唔可以用筆墨去形容)雖然下午茶所以點心半價, 但半價後最平一款點心都要$20/碟. 如果正價$40碟食到呢d點心, 唔知大家有咩反應......  

星期日,1家3口👪去咗megabox閒逛。平時都經常去,所以好多食店都幫襯過,不過大部份時間都係向下吃。今次就唸住試試上面嘅酒樓。見到呢間酒樓,外觀華麗,就行入去試試佢。因為人有3急,所以未入座我就先去個洗手間。廁所環境十分污糟,仲有1陣味😲😐🚽 差過商場廁所好多。啲餐具有漬同食物殘渣😖 整體環境得個殼。食物水平差👎唔會再幫襯!!!👿

喜百合是MegaBox眾多酒家之一，裝潢整潔，座位舒適。星期一至五午市更有七折優惠，折扣後價錢都算合理。一行四人吃了點心如下：香脆馬蹄條：口感略油身，脆口，馬蹄爽甜。錦鹵雲吞：同樣較膩口，脆中帶實，雲吞皮建議弄薄一點。九肚魚魚卷：九肚魚肉質腍散，很怪。蝦餃：賣相不及格，餃皮宜爛，蝦肉餡料食味合預期。花素餃：普通。鮮蝦拉腸粉：普通。叉燒酥：酥皮都算鬆化，叉燒可口。素菜包：餡料和花素餃差不多，熱辣飽肚。嫩雞煨麵：雞肉稍碎，嫩度中等，煨麵腍滑，雞湯帶甜。楊州炒飯：飯粒色水濕度均勻度不足，普通。拔絲蘋果：蘋果爽甜，拔絲甜脆。以美心水準而言，可期望做好一點。

很久沒有來這間喜百合了, 我們兩人為了再試他們的北京填鴨, 今天特意前來. 我們點了一碟川味乾扁四季豆, 味道還好吧, 可惜四季豆品質就強差人意, 比較不夠嫩. 另外點了北京填鴨一食, 味道還是很好, 保持著美味, 比得上北京樓的味道.

有驚喜既系砂鍋同蘿蔔絲酥餅。首先砂鍋望落去平平無奇，但一望全部都系靚料-花膠同鮑魚片。計落二百吾算貴！但系湯底略咸，如果改用雞湯加火腿會更好味。我個人中意蘿蔔絲酥餅個餡，蘿蔔味道突出，餡料鮮甜，可以補償翻酥皮吾夠香。然後仲叫左辣子雞，咕嚕肉辣子雞既雞粒肉滑但吾夠辣所以略嫌帶吾出雞肉香味。咕嚕肉就比較完美，酸甜調味岩岩好，上碟既時候仲好酥脆。其他醉雞同海蜇就不過不失

周圍的館子都有婚宴，只有呢度靜靜地，咪試吓。一坐吓，來了一碟惹味小菜。是一貫美心中菜的貨色，但味道不俗。接著係蒜泥白肉。味道很好，只是蒜泥少了點。下一個是排骨担担麵。麵好像有點不熟，麵心還有少少硬。排骨炸得很乾，有些硬。還有小籠包，問題是一樣的，個皮又乾又硬。但總算有些肉汁。勉強還可入口。至於沙鍋雲吞鷄。可能師傅太趕時間，尐雲吞皮草草揸埋一舊，旣無美感，又無口感。尐鷄毛又無拔清，浮在湯中。最後是咕嚕肉，在北方館子吃的廣東菜，較北方菜好，真不明白。

星期六晚係Mega Box 逛完傢俬店, 又係開餐時候, 都已經 8:40p.m., 肚都打晒鼓了, 跑了兩家粵菜都有喜宴, 本想落電動樓梯時, 眼角見到這家店, 燈火很亮麗, 於是去看一下, 而且裡面有位, 又不用等, 就試試這店!很快速地就點了雪菜肉絲炒年糕、北京蔥爆牛肉及雞火純菜湯, 未上菜前就食住醃製的前菜豆腐乾花生豆, 味道也很不錯!等了沒多久, 炒年糕及蔥爆牛肉已經一齊送上, 先講炒年糕, 年糕炒得熱辣辣, 看見它霧煙, 挾起來軟腍腍感覺, 食落是煙煙韌韌, 味道適中, 夾雪菜的少少咸一齊食, 實在太配合, 而且沒有出面上海舖那些炒得油膩, 唔錯!至於蔥爆牛肉, 牛肉肉質都幾嫩, 口感也腍, 都幾有牛味, 炒得颇有鑊氣, 本人喜歡這款有氣勢的炒牛肉, 真是食得津津樂道! 還有雞火純菜湯, 其實從來沒有嚐過此湯, 什麽是純菜, 真的不知道~~~當侍應送上此湯, 我看見的純菜原來很有興, 好似龍丼茶葉的模樣, 捲著一條條般在湯內, 試著一口, 連著幼肉絲及火腿絲一併食, 感覺似食羹, 味道有點濃及有胡椒味, 而且純菜很特別, 有一層透明膜包裏著, 而且食落滑嘟嘟, 真的很有興!

諗唔到食乜  周末冇BOOK位都幾難搵到好食野見佢唔需要等就去啦酸辣湯  蘭花玉帶蝦球  古法蒸雞  排骨炒年糕  酸辣湯好多荀  味道都可以蘭花玉帶蝦球 D蝦球幾大舊 幾爽口  帶子就好散  西蘭花好少古法蒸雞 雞斬到好碎好細舊  味道都好油排骨炒年糕即係炸豬扒  呢個真係油到不得了....要用水洗左先食  好唔得甜品桂花糕係最出色既!!!其實佢都唔算桂花糕  係桂花年糕好好味服務態度就係差已經唔多客人  但係佢地見到我地食完既送都唔會收碟的以呢個價錢  換黎既唔同對等既食物質素同服務

入到來先知又係集團式經營, 算數叫左幾個小菜個翅就麻麻, 我都唔多鐘意去酒樓食"翅", 9成生粉水而已龍井蝦仁, 味道OK, 蝦都算大隻, 在上海食, 真係比蝦毛你溫室豆苗, 麻麻, 好硬, 唔鐘意獅子頭就正喇, 本來以為肉丸無特別, 但中間夾左D肥肉加埋個濃湯, 好鮮好濃味今晚最LIKE!