屋喔 (已結業)

今個星期工作繁忙，都未曾好好咁對待過自己。難得的星期五放早，我同太太出咗去旺角，一心打算選購禮物，結果卻失望而回。物質填補唔到，唯有心靈生理上慰藉下。揀選咗呢間餐廳，覺得地點尚算方便，而且食評不俗。去到餐廳，等位算快，用咗10分鐘左右，唯一美中不足係等候區對正後樓梯，有陣陣酸臭味，令人未食飯先。餐廳分室內室外，內裏光猛涼爽，外面則有點幽暗焗促，幸好風扇夠力，還不至於太熱。餐廳有提供免費wifi，職員態度及效率尚可，都算一讚。兩口子各自叫咗一個set，分別係蚵仔燉飯同鮮蝦黑松露意大利扁麵，加咗個小食培根焗薯皮，飲品係宇治金時。先講main set，飯夠creamy夠味料又足，除非追求重口味，否則應該接受得到，扁意粉個人感覺一般，無甚驚喜/嚇，焗薯幾脆，不過怕熱氣既人敬請三思，飲品甜度適中，只係略嫌唔夠凍，最後，甜品有3款，揀咗Tiramisu，味道唔突出，無酒同餅底，極其量只可以算合格。整體感覺尚算不俗，仍有更佳進步空間，個人會再嘗試多一次。