屋喔

星期五同朋友去Happy Friday，見之前網上介紹喱間餐廳好似幾吸引，所以決定去試一試。西班牙特調一定要飲，不過佢都幾大杯，可以2個人share一杯。海台炸雞，炸到啱啱好又唔會太油膩。…查看更多

台灣食物之中，這一間算是不太貴，只因味道也很一般。只記得鳳梨糖醋魚，鳳梨不錯，但魚塊太多面粉，令到魚很硬身。食物一般，入面的侍應也是太子女太子仔，用餐後想要一杯水時，女侍應見到朋友舉手，目口目面，思考幾秒再叫她推旁邊 男侍應走到客人旁，很不情願的樣。…查看更多

這天約了很久不見的朋友吃飯聊天，由於我們都放得早，因此我們6時半就到了餐廳，那時只有小貓三四隻，座位任挑。這是一間FUSION的台式餐廳，有不少意粉可選擇，但我們怕會怪怪的，所以沒有試。先點了一客鹽酥魷魚頭($52)，想不到的大份量！魷魚炸得恰到好處，不會太油膩，肉質也很多汁。又點了一個套餐，可選擇的都是比較傳統的台灣菜式：我們點了鳳梨糖醋魚柳，跟餐配魚湯黃芽白、白飯和一杯飲品。這前菜令人有點失望，份量極少，菜也沒有魚湯的香味。主菜的賣相極佳，紅紅綠綠的，鳳梨吃得出很新鮮，而魚塊就一般，就是常吃到的雪藏魚塊，沒有甚麼魚味可言。屋喔酥炸雞盤($88)份量也算大，有雞塊和雞翼，但都不大有雞味，比KFC 遜色。這一餐沒有覺得很好吃，也覺得吃了太多炸的東西頗不健康；但勝在價錢較相宜，而服務員多次主動為我們加水，又容讓我們由六時半坐到十點，也是個聊天好地方。…查看更多

我們點了明太子卡邦尼意粉、鹽酥雞粒糖心蛋肉燥飯和兩杯珍珠奶茶，食後感到極度失望。首先明太子意粉味道不錯，可惜份量偏少。第二，肉燥飯上的糖心蛋好好味，雞但粒有啲硬，又唔夠脆，仲有啲肉燥有陣味。最後嘅珍珠奶茶嘅珍珠甜甜地，幾好味，但啲奶茶淨係得淡淡的奶味，明明叫左少冰，但竟然一杯數到有10粒大大舊嘅冰，愈飲愈淡。值得推介嘅只有肉燥飯上面隻糖心蛋同珍珠奶茶裏面嘅珍珠...我地覺得這三款食物個名應該係咁：兒童版明太子卡邦尼意粉硬雞粒肉燥飯珍珠三花淡奶溝茶最後埋單覺得勁貴…查看更多

同朋友仔食生日飯，今次揀選左係openrice裡評價不錯既“屋喔”,呢間餐廳中英文名都幾特別，英文名令我諗起日文既Ocasan,母親既意思前菜我地選左蜜味台灣香腸，蜂蜜芥末雞槌，鹽酥花枝餅，主食有明太子卡邦尼闊條麵同海膽帶子燉飯。野飲叫左水果茶，士多啤梨乳酸。上菜好迅速，野食好快就黎齊。香腸都幾好味，外皮烤得香脆，香腸唔會好多肥肉，不過風味始終都不及係台灣食既。網上好評既雞槌無驚艷感覺，太多蜜糖太甜，芥末味唔夠重，如果芥末重d會更好。鹽酥花枝餅係3樣前菜中較為遜色，中間夾住芝士但味道普通。海膽帶子燉飯係餐牌上既照片就好吸引人，但現實就差好遠，海膽唔鮮甜，帶子好碎唔完整，而且個飯太濕太腍。不過以佢既定價又可以期望太多既。明太子卡邦尼闊條麵看似普通反而係最好味，夠香又creamy。整體黎講食物都okay,除左杯士多啤梨乳酸,真係太稀太水…查看更多

平時甚少去旺角區~ 難得星期五晚收工, 想試新野~ 就出旺角試試呢間啦!等lift時發現原來朗晴坊都幾多野食咁, 下次可以試下其他餐廳!晚餐時段都坐滿左客, 但等左冇幾耐就有位, 上菜都好快!黑松露蚵仔燉飯飯唔會太濕太腍, 亦唔會太硬~ 食落亦唔會好似西餐廳果D Risotto咁漏~黑松露味好香! 蠔仔同菇都幾多~ 幾鮮甜~ 唔錯!!野菌胡椒牛肉闊條麵以中式調味炒西式闊條麵實在太fushion~無論賣相同味道, 都好似食緊中式乾炒牛河 (不過少油版) 咁~ 味道係OK的, 不過我唔會再試喇 XD蜂蜜芥末雞鎚醬汁酸甜幾開胃~ 不過雞鎚炸得有D乾, 味道偏重附餐有凱撒沙律, 味道正常飲品: OREO朱古力奶茶 (凍)凍飲係唔凍的~ 室溫咁~飲落係有點朱古力味既奶茶, 唔甜, 味道好淡….一般般珍珠奶茶 (熱)珍珠少, 味道偏淡, 不過不失兩位埋單$286，唔算性價比好高，OK啦！…查看更多

大忙人朋友相約食生日飯，之前每次都好難約得齊人三個，今次竟然出奇地好快約得成，所以話世事冇絕對既！因為朋友去完grad trip，銀包有少少乾硬化，所以要錫住佢唔好食太貴。本來真係覺得有D難諗食D咩好，突然間醒起食台灣菜一定唔會貴得去邊啦！所以最後決定黎呢間食台灣菜。其實呢間唔係純台灣菜，係食台灣fusion，係朗晴坊入面既其中一間cafe。朗晴坊唔難搵，就係朗豪坊隔離，入面都多野食㗎！好快就黎到門口啦！牌上面都見到有扒食，又有西式甜品。仲有另外兩間分店既地址。齊人之後，我地諗住叫咗一個set dinner，再叫D小食、飯麵、甜品。set dinner叫咗黑松露蚵仔燉飯。先上一碗凱撒沙拉，一人分量，所以比較少，味道麻麻。主菜黑松露蚵仔燉飯都上枱啦！D蚵仔分量不少，可惜我唔係非常鍾意食，但risotto係唔錯㗎！首先黑松露味夠香，粒粒risotto都沾滿醬汁，軟硬適中，啖啖滋味！由於飲品真係求其點，點咗呢個蘋果乳酸，可能本身蘋果同乳酸唔係咁夾，飲落去怪怪地。朋友見到牛肉麵，雙眼發光，所以點咗一碗屋喔古早牛肉麵。麵係OK，可惜牛肉唔嫩，而且D湯汁有D咸，所以麻麻地，整體分數唔高。小食方面，我地叫咗鹽酥花枝餅。花枝餅向來都係穩陣派，除咗D唔鍾意食花枝既人，如果唔係都好難整到唔好食！對於我呢個鍾意食花枝餅啊、花枝丸既人黎講，呢個鹽酥花枝餅係好好味，想再encore！見到西班牙特調講到咁特別，所以特登叫咗一杯黎試下。雖然已知係兩人份，但一上枱既時候，size大到仍然難免嚇咗一跳，我諗三個人飲都仲得啊！雖然話有紅酒，但係飲落冇咩紅酒味。內裏有生果，就咁望落似sangria，但飲落就唔似，不過算幾好飲啦！三個女人既甜品胃梗係容納到多一份甜品啦！我不嬲都好鍾意食窩夫，所以叫咗碟窩夫，有草莓、芒果同埋榴蓮揀。由於我地驚榴蓮食品好伏，所以我地都係點咗最穩陣既草莓味。嘩！真係好有驚喜！首先D窩夫唔係我平時食開既質感，但係唔會好淋，幾好味。D草莓唔係特別甜，唔酸都算係唔錯啦！D雪糕好有草莓味，好好味，配搭忌廉同埋窩夫一齊食，完全加到分！照咁估計，我地三個都認為榴蓮味都應該唔會伏既～如果有機會，會叫碟榴蓮試下！雖然食物唔係滿分，但係朋友既心意帶黎呢餐生日飯既分數係計唔到既！^0^…查看更多

係openrice見佢食評台灣菜中好高 一直都好想試，終於有機會食到喇!一行三人叫左3樣嘢，首先係台灣牛肉麵，牛肉麵麵質食落去明顯係手工麵，咬落去有口感，湯方面唔會好咸，而且麵都吸左湯底味，唔錯，牛肉方面，唔會好散同好難咬!除左呢個仲叫左個雞扒，雞扒唔會好乾，而且唔會好肥，又幾入味，都可以，薯條就正常，唔去到快餐個種差，但又唔去到粗薯咁有薯味，合格。最後就係介末雞，介末味唔夠重有d失色!整體就食物係中上水平，有機會可試下其他既~…查看更多

叫左鹽蘇雞肉燥飯 加珍珠奶茶 鹽蘇雞冇味 雞似石頭硬到呢 老人家唔好去!肉燥一般 不過不失!珍珠奶茶 普通 算係飲得落口!開左戶口 第一次激動到寫食評 仲要80字先可以post 你就知我幾嬲! 我以家望住碟飯 好餓 但食唔落 打遍文 廢事d打手害人 希望愈大失望愈大!…查看更多

終於係百忙之中可以抽到時間，同呢一個兩年冇見嘅朋友食飯。選址方面我哋揀咗方便大家嘅旺角，但大家都知啦呢幾日真係熱到痴線，空氣又差。所以我哋就揀咗喺朗豪坊隔離間呢間餐廳食飯食物方面呢我哋就揀咗呢一個酥炸雞粒肉燥飯，飯方面呢就十分之豐富，因為佢有10分多嘅肉燥，仲有一舊五花腩配上，真係男仔都夠吃！🤤而炸雞方面亦都唔失禮，雞粒炸完仲好滑，分量方面亦都唔算少，只係略嫌炸粉有啲多，影響咗味道。除此之外我哋仲叫咗一杯Ice Latte，一杯凍咖啡配上鬧市嘅景色已經足夠我哋由一點傾到四點幾。呢一間幽靜嘅Cafe真係十分之適合朋友/情侶嚟輕鬆下傾計。…查看更多

同太太去食飯。太太叫左個滷肉飯，而我就叫左個牛排餐，由13:35等到14:15。我太太個飯一早已到。慢慢食都食左一半。等左成半個鐘，我就催左一次，個女仔既答案話製作需時。好啦！咁我咪唯有繼續等..終於到1415..有野食黎喇，同時見倒隔離枱都係食牛排餐，但係人地由坐低到有得食都只不過係等左10分鐘既時間，咁到底製作時間係幾耐呢？其實你直接一句話漏單我都冇咁嬲😡😡野飲又過份甜，真係唔會有下次！！今次真係嬲到第一次要打食評…查看更多

好耐冇幫襯過啦，見係附近整野就上去食個下午茶啦！點知，轉左餐牌，滷肉飯冇左!咁就改嗌左一個迷你窩夫、雞鎚薯條啦，連一杯蘋果乳酸、香芋奶茶。飲品黎先，明明嗌凍飲，但杯香芋奶茶唔夠凍，個底仲係暖嘅，冰溶哂飲品都只係室溫，只可稱為暖飲！雞鎚薯條價值$38，有兩隻雞鎚「仔」同三十條左右嘅薯條，一隻紙巾盒咁大嘅長方形碟裝哂，仲要放埋醬料碗係碟上，大家可想像分量係有幾多！迷你窩夫配士多啤梨雪糕，有街邊買嘅格仔餅半份份量，一開二，雪糕味假，士多啤梨醬係香精味，最誇張係個窩夫質感完全唔合格冇蛋味，唔熱而且咬落似食緊光酥餅！份量好少但我都係「捱」到半份咁大把！盛惠九十大洋！我光顧過好多次，每次都覺得好食，但今次會係最後一次！…查看更多

我承認我一開始睇到呢間店係衝住西班牙特調去嘅。因為我唔覺得有幾大噢，結果我去了之後真係嚇死人啊！自己一個人根本飲唔曬啊點算啊，不過係幾好飲吖！我好鬼鐘意呢個。睇黎下次要叫埋friend過去hea先得。真係好大份好大杯，真係唔誇張，千奇唔好似我咁蠢夠膽自己一個人飲就得啦，值得稱讚的amazing experience，我會回訪的。後來我又叫埋左肉燥飯，說真，我覺得配菜唔係好夠，食到最後剩低好多白飯出黎，建議配菜分量要再多d先得？…查看更多

餐廳位於朗晴坊，十分唔起眼，從大廈破舊的外觀我會以為朗晴坊聚集時鐘酒店/按摩店.....但事實上整幢樓都是餐廳....凡事不可只看外表.....電梯好細，人好多，排隊要等很久，本想行樓梯，但好黑好暗我唔敢行，唯有等電梯....餐廳倒是裝修不錯，午餐價錢也不算貴，叫了鹽酥雞肉燥飯，鹽酥雞味道正常，但炸到好乾好硬，不合格，肉燥普通，唔香。珍珠奶茶好甜好甜好甜...........…查看更多

見OPENRICE有咁多好評，打算試一次，諗住唔會太伏，呢個諗法實在太天真週末到訪，餐廳內小貓三四隻，都未察覺有唔妥三個人叫咗三款食物鹽酥雞肉燥飯先出，賣相同味道都真係唔錯嘅，以為陸續出嘅食物都會好啦，又係一個天真嘅諗法紅花蟹肉意大利闊麵：極品，食落口一陣酸叔味人流稀少、天氣炎熱惹的禍，酸叔麵盛惠$82鮮茄海鮮燉飯：一碗飯嘅份量都無，2隻青口，1隻蝦，盛惠$82（隔離枱嘅食客同樣Order咗呢個飯，食物端上只見食客望住面前嘅飯講左句：「嘩！有無搞錯」）食茶記都無咁伏.....…查看更多