花圖 (已結業)

早兩日男友黎接我收工然後去食飯佢話要帶我去威威咼🥰衰鬼😝估唔到係帶我去尖沙咀既「花圖」！餐廳裝潢華麗有特色，中西合璧得黎又帶點傳統元素仲有啲大氣磅礴既感覺🤣咁Igable 既餐廳小妹想去好耐嫁喇🤤食物方面我哋叫左：酒糟醉雞卷 & 荔枝汁漬荷蘭串茄雞卷肉質嫩滑，仲有淡淡酒香！面頭既雞皮好薄又無肥油幾爽口😆而串茄就已經去晒皮口感一流冰冰涼涼加埋荔枝汁真係十分清新🤤花圖爵士湯果然係餐廳招牌之一！石敢當造型既碗真係好吸睛🤩個湯以龍蝦湯為基底，加入哈密瓜，螺頭，花膠等材料烹製而成！配搭非常新穎，香濃鮮味，口感綿密🤣花圖和牛寶盒微辣既和牛包裹住豆卜，菜脯等炒香過既材料和牛油香十足，包裹既材料可以中和油膩感口感豐富有層次！😆紅粉西施鰈魚柳小妹都幾like呢個菜！因為佢個底既龍蝦湯蒸蛋真係好滑🤤龍蝦湯味濃厚但又不失蛋香！而鰈魚柳都好鮮嫩面頭加上避風塘口味既脆脆即刻加晒分😝豆漿杞子素千層浸時蔬素千層夠厚實！吸滿豆漿之後好juicy !!豆漿亦令生菜更滑溜雖然清淡但又有啲驚艷😋花圖炒飯唔好睇佢細細碗，佢既材料好有份量嫁！和牛，蝦肉都係大大粒飯亦炒到粒粒分明獲氣十足🤤仲有黑松露點綴，更添美味🥰