開飯主義

營業中

休息中

週末近近地去大埔逛下，去到開飯主義見到門口很多人，心想應該都有質素保證於是就決定入去食個lunch。午市人流雖多，餐廳舖面細小得來間隔舒適，我和朋友坐在卡位完全都不會覺得焗束。餐牌選擇五花八門，由日式丼飯、咖哩飯、越式湯河到港式常餐到有，總有一款啱胃口。我地點了一份常餐，揀了鮑片腿絲通粉及西班牙奄列豬仔包，鮑片好有咬口而且有豐富鮑汁，火腿絲份量很多，加上鮑汁湯底濃郁，同樣的鮑片火腿通粉絕對比一般茶餐廳更勝一籌。另外西班牙奄列的饀料其實是蕃茄汁炒洋葱煙肉片，原本平凡的港式常餐加入西班牙風味十分特別，而且豬仔包烘成金黃色，食落香脆鬆軟。另外還點了一份炸魚柳big breakfast，先看擺盤已經覺得吸引，炸魚柳炸粉薄，吃落啖啖魚肉，而且保持魚肉鮮嫩juicy，最特別是其一口炸芝士，芝士更做到流心的效果，是早餐set內藏的一個小驚喜。