170
16
7
港鐵大埔墟站 A1 出口, 步行約8分鐘 繼續閱讀
電話號碼
26385589
營業時間
今日營業
07:00 - 22:30
星期一至日
07:00 - 22:30
付款方式
現金
食評 (211)
等級3 2020-07-11
407 瀏覽
天氣熱到唔想食飯,今日就食個常餐啦!常餐裡面呢個奶油豬好出色,豬仔包熱辣辣,焗得外皮脆口內裡鬆軟,加埋邪惡嘅奶油,我俾100分👍🏼👍🏼跟餐嘅奄列都幾好味,餡料都俾得足;鮑片火腿通粉又係我近年至愛,味道中規中矩,簡簡單單又一餐!開飯主意仲有推出抗疫特價餐㗎,$35就有一個飯連飲品,不過特價餐只限外賣,有機會再試試佢嘅抗疫餐啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-11
481 瀏覽
晚餐冇加一 兼跟埋餐湯.餐包同飲品 凍飲都唔洗加錢😁餐包係牛角包🥐 羅宋湯好飲😋不過唔係正宗嗰口味-咖哩汁唔覺得有印式味道 咖喱汁加咗蔬菜去煮 食落有D甜味 味道豐富 牛坑腩煮到好淋 牛坑腩連帶有少少牛筋 食落口有唔同口感 可惜咖喱味入唔到牛坑腩-什扒飯個黑椒汁甜甜地 適合D唔食得辣既人 雞扒食唔出雪味 豬扒煎得好脆 食落有一絲肉既纖維 牛扒肉味就冇 不過好在冇醃到好淋 三塊扒入面豬扒最好-後日帶屋企人去食 本身我係叫黑豚肉焗飯 但佢落錯單俾左雞扒肉醬意粉我!由於截單關係 我遲咗發現冇得改 所以照食!不過要主動問佢拎餐刀 唔係就成塊雞扒叉住食😂芝士夠多做到拉絲效果 肉醬味都夠既 不過食落覺得有D鹹🤨-屋企人食龍蝦汁吉列蝦龍利柳焗意粉 佢第一啖食話好鹹 佢平時食得清淡既 所以到我(重口味人士)試吓 都覺得鹹😂佢個意粉鹹味蓋過左龍蝦汁 但都食到有少少味!-總結黎講呢間份量唔少 我地食開濃味野 都覺得呢間D味落得幾重手!同埋女士未必一個餐食得晒 兩個飯餐我地都覺得OK 係大件夾抵食🤣但後日同屋企人食 兩個意粉餐就唔掂啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-09
276 瀏覽
呢間餐廳喺火車站行過去略嫌有啲遠,搭巴士喺廣福道落就啱啱好啦。因為去嗰陣正值學生放飯時間,所以要等一陣。入到去侍應哥仔都幾好招呼,落單上菜都好快。因為見身邊嘅食客都食緊佢嘅熔岩飯,所以叫咗L12 芝士咖哩牛肉肋焗意粉,跟餐有熱飲同半個豬仔包,都幾飽幾抵食。牛肋幾好入味,配上邪惡芝士簡直一流,但意粉就有少少唔夾,推薦大家下次轉飯,應該會更正。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-02
562 瀏覽
有人推介呢間焗飯,今日就試下佢。叫左個黑椒汁焗牛仔肉飯,包埋半隻奶油豬,飯未到,先食左個奶油豬先,熱辣辣脆卜卜,好正焗飯到喇,望落唔算大碟,不過加埋個奶油豬,真心夠飽。牛仔肉份量都算多,有成4塊,仲要唔係細細塊,真心抵,黑椒汁就少少辣,如果啲飯可以先炒底再焗,就一流,整體係唔差,好食 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-27
704 瀏覽
🔥🐮🧀🍝|燒牛肉芝士黑椒焗意粉|$58|對上一次食呢間餐廳嘅常餐,不過不失但今次試佢嘅烤焗,又幾好食(˶‾᷄ ⁻̫ ‾᷅˵)牛肉燒到表面香脆,肉質幾嫩略嫌芝士分佈唔平均,同埋份量多返少少就更好~成個意粉黑椒味好重,配牛肉真係好夾!不過意粉嘅口感偏淋身,個人prefer有口感同彈牙少少~跟餐會送半個奶油豬同一杯飲品(凍飲+$3)奶油豬烘得好脆,加埋煉奶同牛油,幾好食~午餐時間去入座同落單都有啲錯漏,不過都明白嘅🙈朋友食:鹽酥雞扒魯肉飯(唔記得問佢好唔好食,但塊雞扒好大) 繼續閱讀
(以上食評乃用戶個人意見 , 並不代表OpenRice之觀點。)