華昇美食 (已結業)

人與人是講緣份，食店也可嘗不是。你今日食到的，聽日未必有。今日好食的，聽日又未必好食。第一次吃就覺得好吃的，就會keep住番食。first impression，食如此，人也如此。華昇係tco時代最愛的飯堂，親切、平價有質數集於一身，又怎可錯過。是次吃晚飯，未點先來大大碗無味精靚例湯，簡單得來又幾好飲。蟹王膏炒飯很不俗，雖然唔似蝦醬炒飯味道咁重，但係佢有另一隻香味。飯炒得乾身，不油膩的。也點了蒜溶老虎蝦，有七八隻之多，蒜溶極之入味，蝦是冰鮮蝦，蝦味較淡，但配埋蒜溶，又是一味極品。埋單兩個人每個人都只是五十多元，平靚正。真奇怪如此好店每晚的人客都這樣少，是不是少了點宣傳?