影片
更多
2018-08-07
8196 瀏覽
諗左好耐終於揀左請媽媽食南海一號生日飯 一切源於我見到佢既生日promotion 四人惠顧其中一人為當月生日可免費享用套餐 每位$550再加一1. 冰鎮鮑魚Abalone with sweet and sour sauce鮑魚啲肉本身好林 比我想像中大隻 但配甜酸醬我個人黎講就一般 老媽子就覺得幾開胃2. 川芎天麻燉魚皇Double boiled Fish soup with Chinese herb呢個燉湯我冇影相 不過不失 都重藥材味既3. 避風塘楓葉蟹Crispy Dungeness crab with spicy garlic隻蟹一啲都唔小家好大隻好厚肉 而且肉質係爽身既 唔會感覺到好梅或者唔新鮮 炒得好香 本身我譚仔食5小辣既 呢個蟹既辣就岩岩好 4. 金榜醬煮大蝦(配饅頭) - 每人一份King prawn served in bang sauce作為南海一號嘅招牌菜 我對佢係真係有啲期望既 點知一食落口 佢完全唔係中菜嘅味道 係食緊喇沙既味道 有驚喜 隻虎蝦仲大過我隻手掌 蝦肉係結實嘅 加埋炸左既饅頭蘸金榜醬就大滿足喇5. 即燒片皮鴨（兩食）Roasted Peking
1. 冰鎮鮑魚
Abalone with sweet and sour sauce
鮑魚啲肉本身好林 比我想像中大隻 但配甜酸醬我個人黎講就一般 老媽子就覺得幾開胃
2. 川芎天麻燉魚皇
Double boiled Fish soup with Chinese herb
呢個燉湯我冇影相 不過不失 都重藥材味既
3. 避風塘楓葉蟹
Crispy Dungeness crab with spicy garlic
隻蟹一啲都唔小家好大隻好厚肉 而且肉質係爽身既 唔會感覺到好梅或者唔新鮮 炒得好香 本身我譚仔食5小辣既 呢個蟹既辣就岩岩好
4. 金榜醬煮大蝦(配饅頭) - 每人一份
King prawn served in bang sauce
作為南海一號嘅招牌菜 我對佢係真係有啲期望既 點知一食落口 佢完全唔係中菜嘅味道 係食緊喇沙既味道 有驚喜 隻虎蝦仲大過我隻手掌 蝦肉係結實嘅 加埋炸左既饅頭蘸金榜醬就大滿足喇
5. 即燒片皮鴨（兩食）
Roasted Peking duck
- 原隻片皮
- 冶味鴨崧生菜盞
片皮鴨嘅精華在於佢塊皮 雖然佢擺碟擺得好靚 但好明顯見到鴨皮嘅油脂唔夠 鴨肉都比較乾身 蘸醬料都略為咸 但有一樣野南海一號做得好體貼 就係每一塊粉皮都有層牛油紙做隔層 可以令每塊皮唔會黏實 亦可以將底層未食既粉皮保溫 好少餐廳會願意咁做 難得既
6. 龍蝦湯泡貴妃飯
Crispy and steamed rice served in lobster soup
食到呢一味其實已經好飽 不過呢一個飯係我認為呢餐最好食既餸 好濃嘅海鮮湯配上瓜菜米飯 真係要試過先知有幾好味
7. 日本鮮果雪芭
Japanese fruit Sherbet
當晚嘅甜品係青蘋果雪芭 酸酸甜甜嘅味道為當晚畫上句號
成餐飯淨係望住呢個鹹蛋黃食 柔和光線 維港既景色 我媽子對呢餐飯都表示滿意
張貼
