聽聞法國餐相當有水準。
一入到去，一個無敵大海景， 好舒適。
每一台都好闊落，位置好舒服。對面維港景色一覽無遺。
廚房係知名酒店既廚師，今日我可以用較中環便宜既價錢，食到一份水準法國餐。
味道同質素都有保證。
先上麵包
麵包配自家製銀魚柳蛋黃醬那個醬，比起平時既牛油實在有驚喜
咸香得黎有魚味，小小辣味，開胃
法式白酒煮青口青口煮得十分滑，青口味濃連埋白酒香，
煮得十分好味。青口嫩滑。
法式鵝肝焦糖燉蛋配田園沙律好特別既一份頭盤
看似焦糖燉蛋的外表 但內裡其實是鵝肝
所以其實食落是咸食，都相當特別。
有心思既一道菜。
黎到了兩個main
香煎海鱸魚伴蜆肉忌廉汁相當好味，鱸魚煎得好香 ，但肉不會散，魚肉嫩滑香口。忌廉汁同魚 與及蜆肉都十分夾。
燴牛面頰意大利飯個飯汁濃，而牛面十分之滑。食得相當滿足。
最後一份甜品
栗子蛋糕配黑芝麻口味雪糕栗子蛋糕個cream 好滑，配上既雪糕亦好濃，為美好一餐畫上句號
