火間土 (已結業)

尖沙咀好多好野食，係呢邊返工近近地就去左係北京道既火間土食日本野。裝修日本風味，單係大門望入去已感覺到濃濃既日本味。中午等位唔算耐，職員安排左我地入房仔，六個人自成一角食飯吹水都好舒服。入房前到除鞋，同日本一樣啦，坐位空間都好闊。中午套餐平均百幾蚊，我就叫左個壽司套餐。壽司新鮮既，味道唔錯。烏冬沙律都係水準貨，但附送既甜品就好麻麻地，失曬分！整體上服務同環境都係水準之上，晚上黎應該仲靚，有些位置可睇住個靚景同另一半或一班好友共進晚餐。中午食完仲會送九折優惠卷添。有機會都會再黎既