蜀客 (已結業)

開餐啦！ 自從愛上酸菜魚後，四圍揾食希望食到間啱自己口味嘅，今晚就揀左間位於尖沙咀K11 Musea 4樓高級川菜餐館。環境有格調，坐位舒適，還有維港景添！其實還有吧枱區比客人飲杯，不過疫情下可能無開，有機會可以去飲杯。茶位$20位 還附上小食香脆豆子鮮椒海鮮匯經典成都涼菜, 由鮮椒雞演變而成。以川粵結合為主題,  個醬汁竟然用上二十種新鮮新辣蔬菜熬制為底，豐富又層次微辣帶醋酸香蔥粒紅椒粒西芹粒，配新鮮海鮮帶子，虾仁同八爪魚，爽口彈牙係一道好開胃嘅前菜。 酸菜桂魚店中招牌菜，酸菜好好味，他們選用四川出產嘅舒泡菜，桂魚肉皮細嫩香滑啖啖肉，湯汁清澈無油膩感，微辣酸味偏重但開胃，雖然家常卻不平凡，是一款可以喝湯的酸菜魚，但不似我預期。 糖醋里脊肉賣相精致，味道跟咕嚕肉嘅醬汁類同，每件炸里脊都卦滿酸酸甜甜嘅醬汁又方便一口食用，菠蘿同青椒做伴菜都夾嘅，重要啖啖肉脆漿唔算厚身，食到本身肉味。甜品 - 擂沙湯丸送上後還拍照呃 like, 食時還暖粒粒，外層先嘗到擂沙嘅幼滑花生粉，配合口感軟糯嘅湯丸，細細粒一口一粒，不錯的。