平昌

營業中

休息中

今晚約左朋友食飯，佢話想食韓燒，我就帶佢食之前食過，性價比高的平昌。好在有訂位，一路KEEP住勁多人。餐廳係放題形式，除左豬、牛、雞等肉頪，仲有熟食、海鮮等。店員會先放餐前小食及倒入蛋醬。枱上亦有一兜三款醬料，包括燒汁、豆板醬同麻油鹽~但食物本身已經醃左，所以都好夠味。落單就自己填no,~朋友好肚餓，所以先叫熟食。冷麵有彈性，味道岩岩好，唔會太咸~牛肉都有好多款，牛舌薄，快熟，有口感。海鮮都有好多款，蠔大隻，但燒熟就縮到好細隻。海蝦︰新鮮多汁，肉質又鮮又爽。除左物超所值，最重要係依度店員好主動，換燒烤盤、換氣、收碟等，而且食物都黎得好快好足，無漏單情況。