小曼谷海鮮燒烤屋

營業中

休息中

屯馬線開通，去九龍城搵食好方便。好耐之前食過依間小曼谷餐廳都幾好食，今日再食水準依然keep到。冬陰功湯，兩隻原隻虎蝦，材料十足，酸酸辣辣十分開胃。但我嫌唔夠辣。鐵板豬頸肉啫椰菜苗，鐵板上枱時熱辣辣，豬頸肉飯在底，上面鋪滿菜，香味十足，椰菜苗幼嫩爽脆。仲有黃咖喱海鮮同泰式拼盤都一樣出色，黃咖喱夾着椰香，送飯一流。拼盤樣樣都大大件，幾香口，不過無諗到有咁多，有啲飽濟。芒果沙冰可以叫少甜少奶，飲得出係用新鮮芒果打入，夏天飲特別爽。