掌門重慶麻辣火鍋 (已結業)

最近又熱又凍，又落雨又潮濕，最好就係去食麻辣火鍋出一身汗去濕。上網見到呢間係佐敦嘅麻辣火鍋，好特別嘅湯底，平時嘅麻辣火鍋係紅色嘅好油嘅，但係呢度嘅麻辣火鍋係用青辣椒，感覺會比較清，所以特別黎試一試！-我同朋友都鍾意食辣，不過其實唔係食得太辣，所以我地叫咗一個鴛鴦鍋，包括係翡翠鍋，小麻小辣，同埋豬骨鍋。$168-見到佢有唔少佐酒小食， 咁我哋打邊爐之前，嗌咗一個炸魚片頭 $58-細手切肥牛$178呢度嘅手切肥牛好出色！脂肪比例好適中，好適合配麻辣火鍋。-呢度嘅芫茜餃$58同埋丸類拼盤$98都係必食，芫茜餃平時比較少見， 牛丸非常彈牙，咬開仲有肉汁，好高質！-然後我哋仲嗌咗一碟炸午餐肉條$48，炸得好香！-食到好滿足嘅一餐，下次約多啲人一齊黎就可以試多啲唔同嘅食物啦。