約咗班同事呢依家火鍋店食生日飯
由於人未到齊 所以叫咗畀個小食, 估唔到小食也非常出色, 全部都係自己做的, 尤其是個麻辣鴨腎,個味道啱啱好
我哋十個人,叫咗個重慶翡翠麻辣鍋,仲有一個肉骨茶鍋,味道好好 ,我哋先喝湯之後再打邊爐
食材全部都好新鮮! 我最鍾意係極級牛肉金字塔, 有好多款牛,牛味好重, 另外還叫咗一碟新鮮牛脷, 這一個非常驚喜和食開嘅牛脷完全唔同, 唔知係咪因為用咗新鮮嘅牛脷 嘅關係, 所以值得一讚
仲有新鮮嘅本地雞子, 牛脷 其他海鮮等等等等很多很多。
另外還發現有很多款式嘅小菜 都很嘗試 但係已經食飽唯有等下一次
到最終 我哋呢一餐飯 差唔多食咗五個鐘, 這間餐廳嘅店員十分好, 沒有嫌我哋麻煩 又唔會趕我哋走, 仲好好服務 經常性替我們換碟
, 帶酒又唔收開瓶費, 所以我哋一餐飯食得好開心, 真的非常難得!
(以上食評乃用戶個人意見 , 並不代表OpenRice之觀點。)
推介美食
- 馬來西亞肉骨茶
- 重慶翡翠麻辣鍋
- 手切牛頸脊
- 重慶麻辣翡翠鍋
第一次些評論,因為真係太嬲,服務態度首先要差評,成間野都無乜人食仲要串到不得了。
野食唔新鮮,啲雞硬到PK,無試過雞煲全部係雞翼尖同雞腳,cheap到呢,份量又小,性價比極低。
食耐小小就開始趕客,明明仲有幾十個位。
全部好評都係交錢搵人亂作
比佢啲評價呃咗入來,寫嘅內容完全唔符合事實。
以後我唔會信評價,唔想浪費錢嘅人千祈唔好來。
真係好嬲特登走過來,滿懷期待食左份垃圾。
無論食物、環境、服務全部全部都係垃圾,都唔知咁嘅餐廳點解仲有咁多好評,真係無天理。
(以上食評乃用戶個人意見 , 並不代表OpenRice之觀點。)
好味,高質牛,翡翠鍋油少,不會好似其他麻辣火鍋店咁樣一味得過辣,味道非常好,海鮮亦非常新鮮,價錢亦算平,好快會再來👍👍
再講多少少, 呢個翡翠鍋其他火鍋店很少會見到, 你加咗好多配料 喜歡食辣嘅人一定啱曬, 牛嘅種類也有很 例如封門柳,手切牛頸脊,美國靚肥牛,安格斯牛柳粒, 牛胸爽 等等 如果想試曬咁多牛, 也可以叫一個極品牛金字塔, 後來我問點解啲牛好似好食啲同出面嗰啲不一樣,原來呢間用嘅係騸牯牛, 下次大家識分啦,呢度仲有好多清酒白酒紅酒, 特別啲有本地新鮮雞子, 不是火雞子, 用料上乘 值得一試
(以上食評乃用戶個人意見 , 並不代表OpenRice之觀點。)
推介美食
- 本地新鮮雞仔
- 澳洲頂級桂花蚌
- 極品牛肉金字塔
- 重慶麻辣翡翠鍋
掌門已全面改革
正式重開
有海鮮,小菜,雞煲,火鍋 ,多款套餐, 來料加工
不論款式, 味道, 服務質素 等等, 比以前更好更出色, 值得一試 ,如果不信,去试下, 一試便知道
海鮮: 夠新鮮
小菜: 有大排檔風味, 有鑊氣, 好味
雞煲: 一绝, 在別的地方食不到這種味道
火鍋: 有一紅一綠, 夠香夠麻夠辣
火鍋配料: 牛頸脊, 黑毛豬, 牛柳粒超好食, 豬潤超爽口, 大蟶子皇超大
套餐: 三餸三飯海鮮餐$198
來料加工: 大廚主理, 避風塘 瀨尿蝦 正宗好味
特別推介:貴妃雞 皮脆肉滑, 避風塘蟹, 檸檬蒸烏頭, 黃金蝦, 辣酒煮東風螺, 薑蔥桶蠔煲, 雞煲
咕嚕雞球, 魚香茄子煲, 乾煎茄汁霸王蝦
打邊爐推介: 頂級牛頸脊, 安格斯靚牛粒, 黑毛豬, 豬潤, 特大蟶子皇, 白鱔片, 萵筍, 日本葛, 脆鯇腩
好味指數: 自己試下,就知道
環境: 清潔衛生, 服務態度好, 舒適
(以上食評乃用戶個人意見 , 並不代表OpenRice之觀點。)
推介美食
- 茄汁霸王蝦
- 黃金蝦
- 安格斯牛粒炒飯
- 特式炒蜆
- 檸檬蒸烏頭
- 薑蔥桶蠔煲
- 魚香茄子煲
- 麻辣雞煲
- 避風塘炒蟹
- 貴妃雞
- 黃沙豬潤
- 特大 蟶子皇
- 脆鯇腩
- 安格斯靚牛粒
- 牛頸脊
- 重慶麻辣翡翠鍋
- 極品西班牙黑豚肉
之前吃過同一條街的二家姐火鍋,這次又打算去吃,無意中看到掌門火鍋的評價比二家姐的更好,抱著試試的想法訂了座位,要了中辣麻辣湯底,湯底過鹹,我們請店員加一倍的水稀釋湯底還是覺得鹹。
可惜了我的時間。
(以上食評乃用戶個人意見 , 並不代表OpenRice之觀點。)
朋友介紹想食正宗重慶麻辣火鍋的話,必定要嚟佐敦掌門火鍋。入到嚟裝修幾懷舊, 係靚嗰隻。店員招呼都幾好, 湯底燒到咁上下就會自動幫我哋加湯
因為最近患咗感冒菌入胃(又胃痛又嘔) , 又唔想掃朋友興, 所以只叫咗個小麻辣湯底,食落個口同條脷有少少麻痺,就係喜歡哩種感覺。不過已經好好味, 送咗幾件鴨血, 店員教我哋水滾後首先要食咗鴨血洗, 嘩!滑到差啲直接跣咗落喉嚨, 仲要係好熱, 所以大家一定要小心小心, 唔好好似我咁論盡
極上手切肥牛 ~ 店員將碟肥牛放喺檯睇落去已經覺得蹀肥牛好靚, 淥兩淥就食得, 簡直就好牛味,連我平時打邊邊只食兩塊牛肉的我, 都食咗五塊, 其他的當然係俾某人搶哂啦
鮮蝦松露餃 ~ 本身對松露無咩好感的我都覺得好正, 好好味, 蝦夠新鮮, 爽口彈牙, 有濃郁的松露味而又無臭煤氣味, 皮又夠薄, 正所謂皮薄饀靚
新鮮鮑魚仔 ~ 鮑魚仔真係洗得好乾淨, 見過有啲舖頭啲鮑魚殼裏面仲係黑色, 因為新鮮就夠哂鮮甜, 唔會太韌, 正到無朋友
炸支竹、潮洲白魚蛋、豬腰及膶、豬大腸及生菜 ~ 因為湯底好味再加埋新鮮鮑魚仔, 手切肥牛同埋所有材料夠新鮮, 唔駛我多講當然樣樣都好味啦…
葛粉~ 第1次食葛粉. 淥好未食已經感覺到晶瑩通透, 食落口煙煙韌韌, 又係因為湯底鮮甜所以粉都特別好味
(以上食評乃用戶個人意見 , 並不代表OpenRice之觀點。)
推介美食
- 重慶麻辣翡翠鍋
- 極上手切肥牛
- 酸菜白肉餃
- 長腳蟹棒
(以上食評乃用戶個人意見 , 並不代表OpenRice之觀點。)