影片
更多
2019-09-12
912 瀏覽
琴日下晝放假，同honey到先達廣場睇數碼產品。之後喺附近嘅阿來泰式地道風味開餐。 呢間餐廳都幾受歡迎，好早就有人等位。 招牌小菜、海鮮、泰式小食、廚師推介、套餐、蔬菜、飯麵、甜品....梗有一款啱你口味！我哋兩個人，點左炒菜、炒金邊粉、炒飯同甜品。👉蒜茸炒芥蘭炒芥蘭有3種味道，"老人家''比較鍾意食''重口味''，於是點咗個蒜茸炒芥蘭。芥蘭炒得清脆碧綠，鮮嫩無渣，蒜茸係成碟芥蘭充滿獨特幽香嘅精髓。 👉泰式炒金邊粉用咗鮮蝦、雞蛋、豆腐乾、芽菜、韭菜、小蝦米、菜脯粒等多種材料炒成嘅金邊粉，夠乾身，金邊粉條入味有咬口外，仲有鮮蝦嘅Q彈，菜脯粒嘅爽脆，同花生粒嘅香口等多種口感，再加埋數滴青檸汁，有清新提味作用，加強味道嘅層次。 👉泰式香芒蟹肉炒飯honey話想試香芒蟹肉炒飯，我心諗用芒果加蟹肉炒飯怪怪地,有d格格不入，既然honey咁有興趣挑戰味蕾，不防試試。估吾到芒果肉配蟹肉炒飯幾夾喎,每一口炒飯除左充滿雞蛋香味同蟹肉鮮味外，仲散發著芒果香甜味。如果要雞蛋裡挑骨頭嘅話，就係有少少碎蟹殼係個炒飯入面，食落唔係咁方便，但亦證明蟹肉係真材實料囉。 👉芒果糯米飯芒果糯米飯係泰式美食中最經典又道地嘅
呢間餐廳都幾受歡迎，好早就有人等位。
招牌小菜、海鮮、泰式小食、廚師推介、套餐、蔬菜、飯麵、甜品....梗有一款啱你口味！我哋兩個人，點左炒菜、炒金邊粉、炒飯同甜品。
👉蒜茸炒芥蘭
炒芥蘭有3種味道，"老人家''比較鍾意食''重口味''，於是點咗個蒜茸炒芥蘭。芥蘭炒得清脆碧綠，鮮嫩無渣，蒜茸係成碟芥蘭充滿獨特幽香嘅精髓。
👉泰式炒金邊粉用咗鮮蝦、雞蛋、豆腐乾、芽菜、韭菜、小蝦米、菜脯粒等多種材料炒成嘅金邊粉，夠乾身，金邊粉條入味有咬口外，仲有鮮蝦嘅Q彈，菜脯粒嘅爽脆，同花生粒嘅香口等多種口感，再加埋數滴青檸汁，有清新提味作用，加強味道嘅層次。
👉泰式香芒蟹肉炒飯honey話想試香芒蟹肉炒飯，我心諗用芒果加蟹肉炒飯怪怪地,有d格格不入，既然honey咁有興趣挑戰味蕾，不防試試。估吾到芒果肉配蟹肉炒飯幾夾喎,每一口炒飯除左充滿雞蛋香味同蟹肉鮮味外，仲散發著芒果香甜味。如果要雞蛋裡挑骨頭嘅話，就係有少少碎蟹殼係個炒飯入面，食落唔係咁方便，但亦證明蟹肉係真材實料囉。
👉芒果糯米飯芒果糯米飯係泰式美食中最經典又道地嘅甜點之一，點可以吾叫呢。嘩！糯米飯軟糯不太甜，啖啖滲透著香濃椰奶味，連帶清香撲鼻嘅甜芒果，令人難以抗拒！
呢餐認真超抵，份量又足夠，我哋兩個大胃王都好辛苦先食得完所有食物。下次叫多幾個朋友，可以試多幾款吾同嘅美食。
張貼
