漢城美食

營業中

休息中

一諗起要食韓國嘢，相信大家喺尖沙咀嘅話都會去韓國街，講緊嘅係尖沙咀金巴利道一帶，不論係韓式炸雞，韓式燒烤等等都可以搵得到。今次想嚟嘅呢間係比較經濟實惠，亦都係多年老店嘅漢城美食。鐵板泡菜餃子。一份有六隻，上菜嗰時都真係熱辣辣，咬落都算皮薄，而且餃子入邊混合了泡菜，整體唔錯嘅。漢城紫菜飯卷。以泡菜為主嘅飯卷，食落感覺都幾開胃嘅，不過略嫌欠缺咗滿足感。部隊鍋。部隊鍋都足料嘅，有年糕，腸仔，午餐肉，茄汁豆等等，另配上白飯，食完都真係幾飽。總結，呢間餐廳嘅味道唔算話好突出，但價錢十分經濟實惠，預算有限嘅朋友都建議一試嘅。