The Story Cafe and Bakery

營業中

休息中

逢星期六日既青衣城晚上都好多人，周圍都排隊，今晚同家人見呢間最快有位，即刻去食！主要食鐵板，睇餐牌好像樣樣都好吸引每一個餐都有正常既餐飽同餐湯。湯係蕃茄忌廉湯，酸酸味味都開胃，不過入面有些好像麵粉既物體而包就正常，無乜特別。爸爸叫左咖啡牛肉溫泉蛋芝士鐵板焗飯。牛肉都淋，咖哩無想像中咁濃郁，如果多d芝士會好d。媽媽叫左鐵板慢煮春雞仔個雞好滑同多汁，一點都唔乾好食，皮又少少脆，好香，又夠熱。我就叫左鐵板紐西蘭肉眼扒都幾大份，肉質都算淋，層度偏薄。但我果塊係牛根位，食落幾難咬😅其他配菜都ok。薯角都香脆同夠熱。最後叫左個檸檬冰茶，都ok，唔會好甜。整體還可以，但服務態度需要再進步。