小火焰韓式咖啡廳 (觀點中心) (已結業)

餐廳就係apm隔離既中心，地理位置方便。而且餐牌選擇非常多，既有沙律，韓國小食，石頭鍋，冷麵，炸雞，基本上食到既韓國料理都有得叫。平日dinner時段等位比假日少人。90分鐘用餐。

叫左芝味炸雞(半份$88)，拉絲芝士BB豬肋骨伴泡菜炒飯($88)，羽衣甘藍特色菜餅。

芝味炸雞

$88

芝味炸雞

芝味炸雞半份有4件，有雞翼及雞脾部位，即炸熱辣辣，咬開仲冒緊煙，而且外皮醮有滿滿既甜芝士醬，及芝士粉，唔係膩既芝士，good。肉唔乾唔‘鞋’口。

拉絲芝士BB豬肋骨伴泡菜炒飯

$88

拉絲芝士BB豬肋骨伴泡菜炒飯

豬肋骨有3大件，燒得適中，用芝士卷住豬肋骨就有另一種風味。泡菜飯唔辣，面頭仲有d紫菜，如果唔想太濟，就唔好拌太多芝士。但個人將所有配料一齊攪拌後，好好食。份量多。

羽衣甘藍特色菜餅

羽衣甘藍特色菜餅

菜餅上有幾塊羽衣甘藍，粟米，泡菜，紅蘿蔔絲等，比較少見會加入羽衣甘藍，泡菜令菜餅既味道更突出。餅底雖然薄，但配料夠多。

整體，靜靜地食dinner，唔錯既選擇，而且份量多，好豐富，食物種類又多。