影片
更多
2022-10-25
714 瀏覽
好耐冇食過潮州菜，最近有朋友推介我試下灣仔呢間「正潮樓」，據說餐廳係由潮汕地區名廚掌舵，主打正宗潮州菜。餐廳門面好搶眼，門口掛咗兩串寫住「傳統潮菜」嘅大紅燈籠，非常吸睛。店內裝潢亦令人眼前亮，環境佈置得古色古香，配上牆上嘅「五嶽獨尊」風景畫，設計典雅得嚟又有氣派。潮州人「無鵝不成宴」，雖然我唔係潮州人，但一場嚟到，當然要試下。先嚟碟滷水鵝片 ($168)，再加多隻鵝蛋 ($28)。鵝片切得厚薄適中，鵝皮煙韌，鵝肉很腍，肉質幼嫩，配上提味增鮮嘅白醋，令人胃口大開。墊底嘅豆腐、花生亦同樣好吃，吸收晒鵝肉同滷水汁嘅精華，啖啖滋味。另上嘅鵝蛋，味道亦不錯，體積超大顆，食落蛋黃好香濃，蛋白結實，配以秘製滷水汁，真係令人一食難忘。梅汁焗豬手 ($128) 豬手炆得好入味，軟而不爛，加上外層黏口嘅豬皮同酸酸甜甜嘅梅汁，好醒胃，每一啖都滿載骨膠原，用嚟送飯一流！平時都幾鍾意食粽，見到呢度有五穀雜糧粽供應，又點嚟試下。材料有紫米、蓮子、紅豆、銀杏同花生，每款食材都煮得完整又唔過硬，食落好有咬口，健康又養生。跟住係糖醋煎伊麵 ($118)，將伊麵表面外層煎至金黃酥脆，內裡保持濕嫩，再灑上陳醋、砂糖和韭黃
餐廳門面好搶眼，門口掛咗兩串寫住「傳統潮菜」嘅大紅燈籠，非常吸睛。
店內裝潢亦令人眼前亮，環境佈置得古色古香，配上牆上嘅「五嶽獨尊」風景畫，設計典雅得嚟又有氣派。
潮州人「無鵝不成宴」，雖然我唔係潮州人，但一場嚟到，當然要試下。先嚟碟滷水鵝片 ($168)，再加多隻鵝蛋 ($28)。
鵝片切得厚薄適中，鵝皮煙韌，鵝肉很腍，肉質幼嫩，配上提味增鮮嘅白醋，令人胃口大開。墊底嘅豆腐、花生亦同樣好吃，吸收晒鵝肉同滷水汁嘅精華，啖啖滋味。
另上嘅鵝蛋，味道亦不錯，體積超大顆，食落蛋黃好香濃，蛋白結實，配以秘製滷水汁，真係令人一食難忘。
梅汁焗豬手 ($128) 豬手炆得好入味，軟而不爛，加上外層黏口嘅豬皮同酸酸甜甜嘅梅汁，好醒胃，每一啖都滿載骨膠原，用嚟送飯一流！
平時都幾鍾意食粽，見到呢度有五穀雜糧粽供應，又點嚟試下。材料有紫米、蓮子、紅豆、銀杏同花生，每款食材都煮得完整又唔過硬，食落好有咬口，健康又養生。
跟住係糖醋煎伊麵 ($118)，將伊麵表面外層煎至金黃酥脆，內裡保持濕嫩，再灑上陳醋、砂糖和韭黃同吃，咬下熱辣辣，脆口得嚟又有蛋香，充滿傳統潮式風味。
最後嚟一客福果甜芋泥 ($48) 作結，芋泥十分香滑，口味甜蜜細膩，非常地道，絕對值得一試。
張貼
