粗菜館

營業中

休息中

朋友來香港食嘅第一餐，先安排個蔡澜推薦嘅餐廳。雖然係名嘴推介，但價錢接地氣，味道卻超好！老火例湯🥣 每日煲四個鐘，湯料比湯仲多嘅老火靚湯！今日係青紅蘿蔔無花果煲豬骨，真係一飲就知落足本啊，我哋飲得乾乾淨淨！招牌炒豬雜🐷 呢個豬雜炒得又有鍋氣又嫩又冇異味，一問老闆先知道唔同嘅豬雜部位用咗唔同嘅豬，三世同堂 😂 真的非常有誠意嘅一道菜 🥰山楂排骨🐷 酸甜骨食得多，真材實料熬山楂醬做嘅，係第一次見😋 超級好食，仲可以見到整片山楂做點綴，真係好下飯。小炒皇炒菜一定唔可以唔試小炒皇啊，每間店嘅小炒皇都有啲唔同。粗菜館入面有超大嘅蝦仁同魷魚，一點都唔粗炒哈哈哈哈，仲有啲辣味，非常開胃 🤤招牌豬油炒飯🍚 必點必點必點！隔壁桌阿姨一坐低就點咗個豬油撈飯，就知道佢哋屋企嘅豬油有幾香！呢個豬油炒飯鍋氣好足，我哋每人食咗三大碗，食得一乾二淨！