影片
更多
2012-07-04
12 瀏覽
今日夾 arm d 放工時間 , 又o係大圍 join 埋一齊搵食 ,多得 op o既 " 我最喜愛菜色提示 " 話我知大圍新開左呢間日本菜餐廳咁就好喇 , 唔使苦惱喇 , 就黎呢間試一試啦 ^^五點幾黎到 , 門口係不透明玻璃 , 唔知開唔開得咁 @@"我地o係度裝裝下 , 於是有位小姐話我地知 , 要六點先開 ,咁我地就四圍行一陣先 , 六點零鐘再返黎 =)店面細細 , 得廿零個位 , 兩張長枱 , 一個 L 型吧枱 ,不過就有男女廁喎 , 其實o個度都浪費左好多位喎 ?坐低見到枱面有樽水 , 裏面有條日本竹碳 , 好得意 =)新開o既關係 , 店員都好殷勤好熱誠咁介紹 menu ,亦都係新開o既關係 , menu 度六種拉面 , 只有三款有得賣每碗拉面本身配以黑木耳, 一片日本叉燒同半隻味付半熟蛋 ,可以自由選擇要唔要蔥 , 面質軟硬度同湯o既濃淡度經店員耐心講解每種湯底之後 , 我地揀左比較特別既兩款1.竹炭黑蒜油拉面~ 炭粉怖滿湯面 , 有少少似芝麻味 , 少少燒焦o既味 , 黑蒜油香而不膩 , 又能夠令湯底保持溫度 , 配合起黎味道不錯面條唔特別好食 , 份量適中 , 蔥
多得 op o既 " 我最喜愛菜色提示 " 話我知大圍新開左呢間日本菜餐廳
咁就好喇 , 唔使苦惱喇 , 就黎呢間試一試啦 ^^
五點幾黎到 , 門口係不透明玻璃 , 唔知開唔開得咁 @@"
我地o係度裝裝下 , 於是有位小姐話我地知 , 要六點先開 ,
咁我地就四圍行一陣先 , 六點零鐘再返黎 =)
店面細細 , 得廿零個位 , 兩張長枱 , 一個 L 型吧枱 ,
不過就有男女廁喎 , 其實o個度都浪費左好多位喎 ?
坐低見到枱面有樽水 , 裏面有條日本竹碳 , 好得意 =)
新開o既關係 , 店員都好殷勤好熱誠咁介紹 menu ,亦都係新開o既關係 , menu 度六種拉面 , 只有三款有得賣
每碗拉面本身配以黑木耳, 一片日本叉燒同半隻味付半熟蛋 ,
可以自由選擇要唔要蔥 , 面質軟硬度同湯o既濃淡度
經店員耐心講解每種湯底之後 , 我地揀左比較特別既兩款
1.竹炭黑蒜油拉面
~ 炭粉怖滿湯面 , 有少少似芝麻味 , 少少燒焦o既味 ,
黑蒜油香而不膩 , 又能夠令湯底保持溫度 , 配合起黎味道不錯
面條唔特別好食 , 份量適中 , 蔥花太少 , 要多 d 要加 $ 5
黑木耳也不多 , 挺爽脆 , 叉燒都有水準 , 軟綿可口 , 肥瘦勻稱
不得不提半熟蛋非常好食 , 輕輕o既醬油味 , 流心蛋黃滑溜不黏口
2. 辛口肉味噌拉面~ 選了濃味湯底 , 加上辛口味噌肉碎 , 咸左少少 ,
以濃湯拉面黎講 , 佢都比左幾大碗湯我地喎 ,
唔知係咪咁所以 d 面會浸到淋左 , 因為本身面質揀要硬 ,
但食落又好似同另一碗 " 普通 " o既無乜分別 ...
如店員所講 , 呢個辛口味 , 真係好似五香肉丁咁 ,
唔係唔好味 , 但唔應該係咁o既味囉 , 呢個有待改善
3. 八爪魚紫菜天婦羅~ 呢個值得推介 , 好好食好特別 ^^
雖然佢叫天婦羅 , 但唔係點天婦羅汁 , 係點沙律醬o既
紫菜係混o係個炸粉度 , 好香脆 , 唔會過厚 , 新鮮炸起熱辣辣
八爪魚有鬚有身 , 兩樣都唔會過韌, 彈牙得黎咬得開o既 =)
4. 南瓜薯餅~ 都係即叫即炸 , 南瓜好甜 , 我鍾意佢唔係茸晒o既 ,
可以見到小片小片咁o既日式南瓜肉 , 食落唔會一 pat 粉咁
薯仔可能比南瓜o既甜味蓋過晒 , 唔係幾覺眼 ,
配上一小碟好似炸雞o個 d 燒汁咁 , 但唔夾件甜味o既小食
## 新張當然會有烏龍野 , 例如大門每次推開都怕影響人客電力供應未調整得好以致中途突然停電燈滅了一會等 ....
希望幾個年輕創業者繼續努力 , 我地下次再黎o既時候 ..
希望一切都變得更完善 , 然後成為大圍區必食之選 , 加油 !!
張貼
