大笪地火鍋 (已結業)

講起打邊爐，有得揀我真係唔太鍾意食任食嘅火鍋，食物種類雖然係選擇好多，但係質素，往往係非常普通，食之無味，棄之惋惜。今次又比我搵到好嘅火鍋推介，今次就嚟到旺角。-裝修以傳統舊香港大笪地風格為主，無論係枱燈、餐牌、燈飾全部都好懷舊，好似返返去十幾廿年前咁。-呢度嘅火鍋湯底選擇非常之多，有成十幾款，例如係番茄薯仔、皮蛋芫荽、胡椒豬骨等等，而今次我就試吓佢最出名，亦都係最吸引嘅花膠雞窩。-湯底一上到黎已經十分吸引，因為賣相同埋香味都非常之好。侍應會喺面前落好大碟嘅花膠落去，證明貨真價實，材料極度豐富。稍微煲一煲，花膠同雞嘅香味已經飄到成張枱都聞到。侍應仲會幫忙剪開隻雞，等我哋食得方便好多，服務都算幾周到架。-湯頭非常鮮甜，花膠味道極度濃郁，好明顯係用咗好多材料，同埋一副心機烹調而成，配埋鮮雞嘅香味，認真一絕！以打邊爐嘅湯底來講，真係超水準之作，令人胃口大開。我覺得打邊爐火鍋配料固然重要，但係如果湯底做得出色，簡直係令成餐錦上添花。-手切牛頸脊，淨係睇賣相都知道脂肪分布十分平均，牛味十分濃厚，肉質鮮嫩有彈性，同急凍牛完全冇得比，都算幾有驚喜喎！-另外仲有好多配料都做得唔錯，例如芝士流心牛丸、手