東寶小館 (已搬遷) 新店位置

十年前第一次去 覺得菜品質素不錯，價錢算合理，雖然環境麻麻。5年前再去，價錢已經開始貴，但環境、服務一樣咁求奇，OK我都明，大排檔不能要求太多。今日同幾個朋友再去，打開餐牌一睇價格已經令人O 晒嘴！同黃金地段的高級酒樓、甚至私房菜有得比拼！然而菜式的質素無驚喜、份量也很一般，服務、環境亦同幾年前亦無異。大概9 點幾，食客都食到7788時，突然放音樂，音量開到震天響，嘈過disco , 完全聽唔到對方講野..... 唔知為乜...今歺點的都係普通菜式，買單$300+ 一位。如果呢個價錢，其實隨便都可以搵到一間無論菜品質素、服務、環境都好十倍的餐廳。