亞萊泰 (淘大商場3期) (已結業)

食過咁多間泰國菜餐廳，呢一間位於淘大商場既地道泰國菜餐廳絕對係本人心目中頭三位之選。事不宜遲今次我哋叫咗份二人套餐（$298）有一份小食拼盤，一碗香草蟹肉仿鮑魚絲魚肚湯，主菜係招牌咖喱海中寶，仲加埋一碟馬拉盞炒通菜，另外仲包兩杯嘢飲（買一送一）。先講頭盤小食拼盤已經係整得相當唔錯，春卷好脆好有趙口，腐皮又做得好彈牙好好味。魚肚湯非常之足料，鮑魚絲、冬菇、魚肚等分量相當之多，兩個人未必飲得晒 哈哈！而主菜招牌咖喱沙中寶，誇張到係成個包都比咖喱汁覆蓋晒，啲汁好野味同香濃咖喱味 仲有豐富海鮮係入面，分量超多 兩個人食唔晒甘濟，極度推薦比大家 絕對抵食夾大件。炒通菜亦都係水準之上，香濃嘅地道馬拉盞真係食過返尋味。另外我哋仲追加左一個菠蘿海鮮炒飯，份量岩岩好兩人絕對夠食晒個飯，酸酸甜甜加埋唔同種類既海鮮，夠晒滋味！！飲料方面我哋叫咗杯椰汁紅豆冰同椰汁珍多冰，椰汁味非常之重，重椰香味，唯一美中不足係啲紅豆唔係太甜。最後上既甜品亦係不過不失啦，傳統既泰國式糕點為晚餐作完美既落幕。總括嚟講呢間泰國餐廳稱得上係臥虎藏龍，性價比非常之高，雖然寫二人套餐但絕對有三人份量，真係抵食夾大件啊！而且味道同食物嘅質