影片
更多
2023-12-05
483 瀏覽
《壽兵衛-壽喜燒專門店 - 銅鑼灣》對上一次嚟呢間餐廳已經係一年前啦，好記得第一次過嚟食壽喜燒係為左慶祝生日，亦都係我第一次食咁fine嘅壽喜燒，由頭食到落尾飽到上喉嚨椗🤭所以印象好深刻😂今次我就帶左個好鍾意食日本牛既朋友再戰壽兵衛，每人叫左唔同款既套餐，分別係Deluxe Wagyu Set $980 同Supreme Wagyu Set $1280，各有各特色👍🏻如果兩個人食的話可以share食齊兩個套餐嘅食品，不過建議晏晝唔好食嘢🤭因為兩個套餐嘅份量都真係好多好多😂我同朋友最後飽到食唔落打包咗好多野食走💁🏻♀️前菜三點🔹醬油漬鮑魚🔹鮟鱇魚肝🔹蟹膏豆腐兩個套餐嘅前菜係一樣的，擺盤十分精緻，醬油漬鮑魚口感軟糯，醬油味道偏甜易入口，而鮟鱇魚肝入口粉嫩細滑，質感有啲似芋頭咁香滑，食落唔腥仲幾特別，上面嘅蘿蔔蓉有助解膩👍🏻而蟹膏豆腐，我同朋友都覺得係三樣入面最特別的，因為佢味道較濃而且蟹味好出，個豆腐有啲似玉子豆腐，蛋味香濃💁🏻♀️刺身🔹帆立貝🔹鰤平魚🔹赤身🔹牡丹蝦同樣地，兩個套餐都會跟咗刺身，不過貴啲嗰個就會再多一款蝦，帆立貝就真係唔使講👍🏻食得出好新鮮，落少少檸檬汁風味十足，鰤平魚口感
對上一次嚟呢間餐廳已經係一年前啦，好記得第一次過嚟食壽喜燒係為左慶祝生日，亦都係我第一次食咁fine嘅壽喜燒，由頭食到落尾飽到上喉嚨椗🤭所以印象好深刻😂今次我就帶左個好鍾意食日本牛既朋友再戰壽兵衛，每人叫左唔同款既套餐，分別係Deluxe Wagyu Set $980 同Supreme Wagyu Set $1280，各有各特色👍🏻如果兩個人食的話可以share食齊兩個套餐嘅食品，不過建議晏晝唔好食嘢🤭因為兩個套餐嘅份量都真係好多好多😂我同朋友最後飽到食唔落打包咗好多野食走
💁🏻♀️前菜三點🔹醬油漬鮑魚🔹鮟鱇魚肝🔹蟹膏豆腐
兩個套餐嘅前菜係一樣的，擺盤十分精緻，醬油漬鮑魚口感軟糯，醬油味道偏甜易入口，而鮟鱇魚肝入口粉嫩細滑，質感有啲似芋頭咁香滑，食落唔腥仲幾特別，上面嘅蘿蔔蓉有助解膩👍🏻而蟹膏豆腐，我同朋友都覺得係三樣入面最特別的，因為佢味道較濃而且蟹味好出，個豆腐有啲似玉子豆腐，蛋味香濃💁🏻♀️刺身🔹帆立貝🔹鰤平魚🔹赤身🔹牡丹蝦
同樣地，兩個套餐都會跟咗刺身，不過貴啲嗰個就會再多一款蝦，帆立貝就真係唔使講👍🏻食得出好新鮮，落少少檸檬汁風味十足，鰤平魚口感有啲似肥版嘅油甘魚，油香味比較重，我覺得赤身係咁多樣刺身最出色的，雖然話係赤身，但係你唔會食到血嘅味道，反而個口感仲有少少入口即溶，唔講我會以為係中拖羅🤭💁🏻♀️蒸物
茶碗蒸成日食得多，但係加咗墨魚汁嘅，我就未試過😳一上枱黑蚊蚊的好特別喎🤭墨魚汁三文魚子茶碗蒸入面嘅材料有好多而且有好濃郁嘅高湯味，我仲食到原隻墨魚仔添，食完笑起上嚟棚牙都黑蚊蚊好得意💁🏻♀️海膽和牛他他
接住落嚟到咗食牛嘅環節，首先出場嘅係海膽和牛他他拼和牛芽蔥，平時我朋友好少會食生嘅牛肉，但係見佢色水咁靚佢最終都係忍唔住試咗，海膽甘香又唔會搶咗和牛嘅肉味，同埋和牛嘅油花較多，呢個他他醬入口有立刻溶化嘅感覺☺️同埋最欣賞佢入面有落到蘋果中和返個油份，成件事唔油膩之餘仲好清新👍🏻和牛芽蔥同樣地係我覺得好出色嘅一道菜式，簡簡單單用咗和牛包住芽蔥再落咗少少魚子醬提味就已經好好食😳絕對係睇得又食得而另外一個套餐同樣都有海膽和牛他他，唔同既係餐廳用左青瓜配搭同埋加咗黑松露醬調味，食之前最好將蛋黃同所有配料攪勻晒再用嚟點青瓜，我同朋友都讚不絕口
💁🏻♀️季節野菜盛盒其實佢個野菜盛盒嘅份量我覺得比四個人食都唔過分🤣咁多點食得晒？入面有豆腐、芋絲、大白菜、南瓜、洋蔥、蘋果等食材，有定心理準備啲蔬菜要打包走😝不過師傅喺我哋面前將啲蔬菜煮熟晒再用壽喜燒汁調味，所有蔬菜嗦晒汁好正好濃味👍🏻
💁🏻♀️美國熟成肉眼拼牛舌
我嗰個套餐食既肉同朋友嗰個有少少唔同，不過我同佢基本上都係share食，咁就可以食到所有品種嘅牛肉啦，熟成肉眼整嘅壽喜燒真係唔係太多地方有得食，熟成咗既牛肉個肉質同埋味道都會提升咗，咬落有纖維感不過肉味濃郁咗好多，而牛舌佢係大大片厚切的👍🏻師傅用咗酸汁同洋蔥作為調味，再落咗少少雪鹽提味😋作為牛舌愛好者我冇嘢挑剔
💁🏻♀️日本和牛肉眼
重頭戲其中之一就係呢片日本和牛肉眼，入口即溶唔使講😉個重點其實係個汁，雖然味道甜甜地，但係絕對唔會搶過咗和牛肉眼嘅風頭😎記住要點蛋汁嚟食😋
💁🏻♀️日本和牛西冷
西冷既肉質會比起肉眼實少少，但係同樣都會入口即溶，不過肉味相對嚟講濃郁少少，一定要配埋佢個岩手縣一見鍾情飯👍🏻食壽喜燒冇白飯完全就唔係嗰回事💁🏻♀️吸物甘物
其實食完啲肉之後都已經飽咗八成，之後飲返個暖笠笠嘅舞茸菇湯清清腸胃同埋味蕾就最好不過😢如果唔係太飽的話，我覺得我可以飲晒成個湯，個湯的確係我喜歡嘅嘢，味道雖然簡單但係感覺好原始好實在，飲完成個胃好舒服
💁🏻♀️釜飯🤭可以無限添加三文魚子
認真的問，有人真係可以食得晒成個套餐嗎？🤔食咗咁多款前菜同埋壽喜燒牛肉之後，我感覺個肚就快爆開咁滯，但係佢個釜飯又真係好吸引喎😎師傅喺我哋面前席前烹調，落咗枝豆、黑松露醬、和牛肉碎等製成，仲可以狂落三文魚子添，呢件事太瘋狂太過分啦😂💁🏻♀️黑松露和牛炒烏冬
朋友個套餐係黑松露和牛炒烏冬，配上特製嘅壽喜燒汁，烏冬應該係稻庭烏冬嚟嘅，十分掛汁而且質地煙靭彈牙💁🏻♀️豆腐雪糕拼日本蜜瓜
雖然已經飽到反晒艇，但係甜品係放另一個位胃的，清清地嘅豆腐雪糕拼左甜度超高嘅日本蜜瓜，絕對可以為呢一餐畫上完美句號
張貼
