WIRED CAFE (已結業)

睇雜志見到mira mall 開左間wired cafe，心思思同男友走去試下，去到裝潢一般，卡位無晒所以只好坐中間，但中間位D枱櫈真係離奇地矮，坐得十分之唔舒服。到打開menu, 選擇並唔係好多，最後叫左個sour cream 薯角，上黎新鮮炸起，十分之香,但中間個點sour cream真係少得可憐大概有5毫子甘大，4件薯角就無晒sour cream, 幸好sour cream下面仲有層泰式辣醬再來一個香辣蕃茄醬炒香腸意大利麵配法式麵包,麵包上個點牛油仍然係少得淒涼，只得中間一小達地方沾有牛油，麵包亦唔鬆化，意大利麵只係用滾水碌過，fing乾，加點蕃茄醬撈一撈就上碟，淡到不得了，亦無麥蕃茄味/辣味。最後是一個Burgersteak Rice，menu上好似話用安格斯牛，但無睇真，唔記得了。漢堡扒又老又乾，D汁傑撻撻，又唔熱，只係暖暖地。我食左三兩啖就放棄了。整體黎講係絕對唔會再去，畢竟卡位只得幾個，其它位又太矮，坐得唔舒服唔係一個傾計既好地方，食野亦食得辛苦，因為張枱太矮，變左要dup到個頭好低甘黎食，都幾攰。食物質素只係中下，呢個價錢唔值，去食意粉屋好過。