WIRED CAFE (已結業)

約足兩星期，終於跟港女夾到時間，最初計劃到旺角齋舖晚膳，誰知殺出兩個阿叔程咬金捉左港女到樂事佛堂 happy hour，搞錯呀！等到七點半，無食 lunch 餓鬼死我喇。港女推介位於商場地庫日式 cafe，稱以前經常幫襯，而且食物質素蠻不錯。但事過境遷，味道不再，已跌至難食的水平，港女連聲道歉。我真係無所謂喎，而且會再來試真一點。商場 open 食店，感覺較像高級茶記。bob 頭妹妹笑容滿面 so sweet，招乎周到主動有衝勁，好 warm 食得舒服。相比那位素顏短金髮瘦嬸西面迎人，唔知以為係廟街大排檔。吞拿魚牛油果蓋飯，何解幾份 menu 上菜名都不一致架？還有吞拿魚牛油果沙律飯、牛油果吞拿魚茸蓋飯，有欠專業使到食客好混亂。港女細心地將牛油果切粒，跟溫泉蛋、吞拿魚蓉、沙律菜撈得均勻細緻，再齊齊嘆。好有心機喎，麻煩晒。蛋黃味道最突出，不過其他食材都係偏淡的，真的沒什麼味道喎。港女問侍應以前不是有跟汁的嗎？原來已經取消，最後唯有用刺身豉油代替，混在一起再試，味道好多了。牛肋肉，剛剛燒起熱燙燙，烤肉香味四散，流晒口水，我唔客氣喇 ﹗爆汁香甜牛味淡淡然，清新不濃，都係添點茄汁或 A1 醬比較好。味道確實不錯，可能太瘦所以有少少韌，給多點牙力趙吧，肥膏及筋都比較多，吃不了。白酒蒸蜆，浸蜆？煮蜆？蒸蜆？何來蒸呢？跟日版即食麵豉蜆湯味道一模一樣。蜆肉陰沉的味道，毫無鮮味可言，罐頭味就相當突出，趙落是橡膠的質感，有料！湯底就飲唔到白酒或香草味道，有點像牛油又似鰹魚似麵豉汁。炸軟殼蟹辣味肉醬意大利麵，這邊廂寫住意大利麵、那邊廂寫住意粉，您想點呢？可否寫得一致，而且依度係香港請用意粉，不要赤化。是我最愛的細號意粉喎。幼幼的乾爽嚥韌，非常有質感，不會濕淋淋或腍劈劈，捲上辣肉汁泛著微弱甜椒茄醬味，雖然肉醬有點稀有點水汪汪，還達標合格。我愛辣，淋上大量辣椒仔汁再品嚐，味道更濃更香更辣可口開胃。炸軟殼蟹我就比滿分喇，新鮮出爐香噴噴，脆漿鬆化不太厚不會厚掘掘，金黃不油脆到索索聲。大大隻軟殼蟹啖啖肉，鮮味突出，但蟹膏味更霸道，爆膏甘甜無比，讚呀 ﹗水牛城雞翼 4 件，不用幾分鐘就送到。水牛城雞翼可以煮得如此難食，廚藝出神入化﹗外層脆漿又腍又韌，微暖油感十足，內外同樣乾爭爭，無鮮味無香味無辣味無酸味，死實陰沉的味道一早煮定，滾上冰涼濃味 blue cheese 可以掩飾一下。…查看更多

食物質素一般，這次點選了豬肋骨，沙律同牛扒但味道一般，sauce有點過鹹，老實講真係對食物質素有啲失望，呢個質素會覺得收費略嫌貴咗d，而且職員服務態度一般，所以基本上99%唔會再去。…查看更多

呢間CAFE其實經過好多次，但從來未幫襯過。今次同朋友想坐得舒服，傾計食個BRUNCH，就揀左呢度！剛來到真係冇咩人，慢慢3-4點就開始坐滿人咁滯。食過之後，我地都覺得食物質素幾唔錯吖！值得一試！睇睇我地食左咩先👇牛油果香芒蝦藜麥沙律：兩個人食，份量好充足，幾鐘意個沙律汁，酸酸甜甜好醒胃！係當日食既牛油果唔夠新鮮，扣左少少分。牛肉塔可飯：聽講係呢間CAFE的招牌，有牛肉醬、牛油果、蕃茄粒、蔬菜等撈埋米飯一齊食，正呀好好味經典法式吐司：好驚喜個法式吐司做得好好味！外面香脆，內裡亦充滿牛油香，大讚！熱卡布其諾：飲品就正正常常，未算好出色啦。…查看更多

食物都算正正常常，反而飲品有啲特色。叫左個明太子意大利麵，都唔錯。餐廳地理位置算方便，但個環境就麻麻地，可能因為太開揚。可惜嘅係限時食，唔太岩一班人聚會。總體來說，都推薦大家一試。…查看更多

位於美麗華二期地庫嘅餐廳，隔離就係collect point 牌子系列，買完衫咁攰梗係要坐低食餐飯啦餐廳環境係全開放式，裝修幾得意，好適合一班朋友坐低傾計叫左個set 有前菜 主菜 pasta 同甜品加餐飲第一個starter 係*日式蟹肉沙律* 個酸酸甜甜嘅汁好開胃*肉眼扒配薯菜* - 我地叫左medium rare 嘅肉眼扒，肉質控制得唔錯，部份位置幾tender，個gravy 值得一讚Pasta 揀左 *黑松露雜菌意粉* - 食落唔會太溜，小編最怕食到好滯，但呢個唔會，可以一試最後食呢個*士多啤梨班㦸*🍓 - 呢個充滿驚喜，熱辣辣上加上cream 同士多啤梨醬真係好滿足總括黎講唔錯，食到好滿足之餘仲可以好好坐底傾計…查看更多

因為地點就腳，又有折，所以黎食生日飯！我地有2個小朋友，佢地安排左坐坐化位。整體來說，食物賣相靚，味道一般，pancake燶曬底，侍應應接不暇（太忙），但態度不錯！最難接受係食物太少份量，性價比薯條好受小朋友歡迎！食物味淡…查看更多

約左好耐冇見嘅朋友見面, 因為要就朋友放工位置, 所以就揀左尖咀一間大家就腳嘅地方😆先講餐廳位置真係好方便, 因為就係正 Mira 樓下, 大家更加可以係附近衫舖行完街走去食飯有三個人關係, 我地先叫左一個二人 dinner set, 再另加野食。Set 包左一個沙律, 有好多蟹肉, 而沙律汁仲係芒果, 甜甜地唔錯😊之後就係唔係 set 裡面嘅青口....個汁.....真係太鹹啦鹹到要不停飲水....但係青口都新鮮~之後嘅 Fish & Chips....又係有 D 失望, 除左薯條唔太熱之外.....3舊魚仲少得好可憐仲唔夠脆而野菌意粉就好 D , 意粉煮得軟硬適中:)而且都夠汁, 味道都剛剛好, 所以都不過不失。然後因為份量太少嘅關係....所以嗌多個飯, 海膽飯配煎新鮮帶子。都係有同樣嘅問題....太鹹啦而帶子就幾新鮮最後係餐嘅士多啤梨 pancake, 黎到時我地都有個疑問.....呢個係 Pancake? 不過好彩味道都唔差只係再香 D 蛋味會更好, 應該落得太多麵粉啦！總結: 我地 3個人 Total 都食左成 600幾, 每人要 200幾蚊....但係份量真係太少! 係比正常少:(而味道有部分太鹹啦！希望下次再去食會有改善啦....…查看更多

間野食過3次，味道唔差wo係價錢有小小貴明太子櫻花蝦意粉 係必食次次都叫，勁好食食過佢d飯係正路，pizza都唔錯佢waffle 都好食不過可能地方比較隱蔽，真係平時唔多人係假日夜晚多人可能無咩人，唔覺得侍應趕客，態度正常其實真係無人講到咁差…查看更多

性價比問心真係唔高明太子意粉比較鹹 有份炸魚薯條無乜魚食 薯條又少 不過都幾脆既拿玻里意粉非常一般 我覺得比盡都只係值四五十蚊:(個$138既toastbox真係無言 本身已經覺得以呢個甜品黎講佢比較貴 點知麵包邊又唔脆 賣相又一般 真係唔值呢個價服務態度方面 個個比人感覺都無乜耐性 好似趕收工咁 其實食完都唔覺飽不過又唔想再係度食 就走左啦最後四個人食左差唔多七百蚊 感覺唔抵💔好就好在個日無咩客人食野 唔會好似其他店咁趕你走既…查看更多

好好食呀😉用既日系咖哩 食落甜甜地 紅蘿蔔🥕蟹每啖都有好正既咖哩香味 主菜既軟殻蟹正炸得脆身 ✌🏻由於炸粉唔係落太多 食落口唔會黏牙 非常好👍🏻仲要個sauce 不太辣 唔會嗆親 係得得地一個80蚊餐 豐富又好食 幾合理呀個價錢…查看更多

放假又到TST放風, 3點幾食第一餐是常識吧!以前食過Hysan果間, 比個pancake吸引住, 終於可以再食啦!雞翼味道正常, 明太子carbonara, 黑松露就食得多, 明太子就少見, 又煮得幾香幾好味, 要encore 再encore啊!主角出場, 呢個pancake同出面果d空氣pancake唔同, 雖然都係日本野, 熱辣辣用鑊仔上, 有水果topping, 即刻降低左油膩感, 好清新…查看更多

去完旅行返嚟，當然係約好姊妹食飯派手信啦！去完旅行食盡好嘢，quota已用盡，所以選擇這餐廳是有原因的。這間餐廳嚟過好幾次，食物唔太heavy，樣樣都清清地，好味之餘，食多左都唔會太有罪疚感，不過女士們特愛的甜品例外，這𥚃的各款甜品都唔錯，尤其係甜品pancake好好味，夠特別，會配上cream cheese及楓糖，每次嚟都必定會叫，係必食之選，雖然望落有點heavy，但相信冇女仔可以抗拒甜品的魔力，所以最啱與姊妹們分享～…查看更多

準時放工，約了食飯未夠鐘，下雨天不想隨街蕩，找個靜靜的地方小休。難得訂枱可儲分兼有折，趁餐廳未多人前入座，享受放鬆下。無花果煙三文魚沙律羅馬生菜、火箭菜、生紫洋䓤、煙三文魚、蕃茄切粒上、新鮮無花果、配上芝麻醬。蔬菜爽口，蕃茄鮮甜，無花果沒有想像中甜，芝麻醬不算太濃，沒有把食物鮮味搶走。不錯的清新之選。Grapefruit cucumber lemon green tea (hot with pot)飲品沒有附加糖，甜味來自生菓中的糖。本身西柚及青瓜是帶苦澀味，檸檬皮亦帶苦，反而茶沒有太濃的綠茶澀味，可能已經被其他帶苦的中和了。一同浸泡在茶裡如果平時已經不好這種苦澀的人，未必可以接受。個人覺得可以接受，起碼喝得出食物本來的原味。慢慢地喝，發現頗能幫助消化省腸的，下攤聚會又可以大吃喝了~~…查看更多

一班人一齊食晚餐😂地點係美麗華 lowery farm果邊 搵路搵到傻🤣減肥叫左幾個沙律😨牛油果沙律份量偏少🌚🤢 牛油果又未熟曬，價錢又唔便，水果係幾新鮮既，但唔係好抵食。呢個三文魚好似唔係好新鮮，有少少hea...小食要讚下幾好食既，個薯條同d肉醬幾夾又加少少sour cream青口份量都可以，但味道偏淡。…查看更多

訂左6:30 去到一個人都無好多位，咪行陣出面時裝店6:45到佢話比唔到折我，因為我遲到我話見無人所以咪唔入黎住佢話都唔得，本來都算想照食。問個職員我而家訂番，做唔做到比我職員一口講唔得，算！ 諗住照食，但一個二個無心做咁，走為上著真係明白點解會間野無人根本都無心做，嚴重趕客！ …查看更多