發哥粥底海鮮火鍋 (已結業)

聽聞九龍灣有間粥底海鮮火鍋，最近我迷上左，所以一於去試下。餐廳好大，座位都幾闊。我同朋友叫左粥底，每位$278起。一開始有兩樣開胃涼菜兩小碟，我幾中意個青瓜，的確幾開胃，哈哈。之後有花膠雞燉湯一盅，d料都幾足，應該係用心煲，好濃味，like it主食好豐富呀，有十一樣野食。等我介紹d特別好食既野先。生猛龍蝦(每位半隻)佢用波音龍蝦，即係即切，非常常新鮮，d 蝦膏勁正又多，好想食多半隻呀哈哈 鮑魚有兩種，有冰鎮同跳舞鮑魚，跳舞鮑魚係代表新鮮切，如果可以再大隻d就好啦，不過都係好味的。仲有魚、貴妃蚌、蝦、蜆、聖子皇等的海鮮，同樣新鮮。頂級肥牛係手切架，呢個牛味好重，我好中意食。之後仲可以點8款配料，我叫左黑豚肉、鳥冬、墨魚丸、娃娃菜、炸響鈴、萵荀、脆鯇骨腩片、黑松露皇帶子餃(2件)。講真佢d配料真係幾唔錯，有d喜出望外的感覺。最後就食米粥鍋，仲有南瓜，香芋，栗米，芫茜，香蔥係粥度。絕對推介呢間餐廳比大家食。