相馬日式火鍋 荔枝角 (已結業)

今次去開荔枝角就揀咗大受好評嘅相馬日式火鍋放題邊食嘢🤤估唔到質素真係唔錯！店員服務態度好之餘環境又夠闊落👍🏻首先有個超大嘅自助區，喺入面有各式各樣唔同嘅打邊爐配料可以自己去攞🤩最鍾意佢哋呢度有埋中式點心，唔去飲茶都食到點心真係正❤️跟住炸物拼盤同樣吸引，款式種類都好多，仲要即叫即整，唔怕凍哂唔再脆👏🏻湯底都有好多唔同選擇，今次就揀咗泡菜湯底！加上美國特選牛肩胛，帶出香濃牛肉味道又有嫩滑嘅肉質口感。最後呢排佢哋仲有推出大閘蟹添，大閘蟹成本貴得但都同樣仲係咁高質😍啲蟹膏好多❤️