波士頓餐廳

營業中

休息中

同事突然想請食飯，就決定lunch time去鋸扒。一去到就有位，可能因為齊人所以可以直接入座，反觀其他人就要排隊。Lunch set得3個選擇，焗雞飯、黑椒西冷扒、豬頸肉配炒飯。西冷扒都幾軟，幾易咬，不過味道普通無特別。豬頸肉有豬味，當然比街邊小食店乾爭爭d豬頸肉好得多，但個炒飯又係好普通無特別，有住家感覺（即係淡而無味）。基本上冇特色冇賣點，可能因為lunch set關係，做法同食材都係流水作業，得過且過。雖然話lunch set係全個menu最平，不過好老實，價錢都冇話去返平民價，依然算貴。所以，如果波士頓唔係恃住開業多年懶有名氣，佢提供呢種質素真係唔配呢個價。再者，亦無辦法令人一試難忘，從而再幫襯或者推介其他人幫襯。失望在於太多人多年來吹噓有幾好食，實情只有好少餐廳有能力一直keep住好質素。