今日響電梯度拎咗張減10蚊coupon，一於試下先。
因為呢間係社企餐廳，入面大部分黑衣嘅侍應都係聽障人士。但其實同一般餐廳一樣，之不過落單時要手指指。
落單後，等咗一陣就嚟個餐湯：南瓜湯
個湯好熱，公主我最愛熱湯，very nice~
南瓜味剛好夠又不過多，仲飲到有淡淡嘅合桃味
非常香
公主食嘅主菜係澳洲西冷
非常好食，廚師功力一流，公主要求5成熟，師傅真係做得到，切開中間仲係鮮嫩嘅深粉紅色。試問有幾多間做到？
肉眼非常新鮮，而且肉味香濃但肉質依然林滑，唔過肥但有膏有筋。正！
配菜嘅薯角炸得香口不油膩。
價錢唔貴($72)但質素比得上好多貴價餐廳！
爸爸食嘅係蕃茄蝦意大利飯
勁香蕃茄味，不過酸咗少少，但幾開胃！
媽媽食嘅係煎雞扒
雞扒肉質鮮嫩，但如果塊皮煎得脆啲就可以當薯片食！
價錢相宜，質素超班，絕對值得支持嘅一間社企餐廳。
p.s. 其實全間餐廳都好安靜，環境靜局。但當一班吵鬧嘅阿嬋入咗嚟就破壞晒成個氣氛😔
