有情有意 (已結業)

話說夜晚要看演唱會，因此就去了這間舖食個飯，與友人點了一份牛扒，一份意粉。原先因為唔知道餐廳係會有聾啞staffs, 所以好自然會用口講，點知佢問問題時見佢指下張餐檯紙，原來內有乾坤，所有既字句提示如：多奶，少甜，要刀叉，肉幾成熟，結賬等字眼已寫在餐檯紙上，大家手指指餐檯紙就咁溝通完全無問題，所以話語言都唔係最重要，大家有心溝通實了解到大家意思。個扒要左7成熟，好okay, 味道都唔錯。至於個意粉就係好似我平時煮既raw food quality, 就係咩調味料都唔加既感覺，食唔慣肯定話好寡... 我就肯定ok，因為我鐘意無味精野。個晚餐都食得好舒服，大家講野又唔算好大聲，都叫環境靜既(我好怕食飯好嘈，聽唔到同伴講野)下次經開可再食

在網上見這間是僱用傷健人士的餐廳而且還可網上訂位，所以就訂了星期六的午餐和朋友短聚。整體來說，他們的服務態度很好，我帶住阿仔，點餐後職員很主動為仔仔遞上碗仔。食物質素方面也不錯，可能是星期六的中午加上下雨天，人流不多，我們由12點半坐到2點都冇趕我地走。其實我呢個食評想鼓勵大家多光顧一些傷健或共融的食肆或商店，支持這班雖然有缺陷，但仍自力更生的人。因為我相信沒什麼比起我們認同他們在社會的位置更重要。做到真正的“共融”共。

約了女朋友在紅磡拍拖，隨便找一間吃晚飯，結果不太理想😓。份量屬正常，但連食物焚化爐的女友也不能完成整份晚餐🙈。薯仔磨菇湯還可以，淡了一點點，但我們喜歡，夠菇味。我點的牛扒口感同花O餐廳差不多，黏糊糊膠膠地，無咬牛肉纖維的口感。幾多筋，切了約十小口已吃完😞份量尚可，但無咩牛味。女友點的炸豬手乾了點，黑椒汁配撘不太理想，喝了很多杯水。伴菜西蘭花太爽口，咬到卡卡聲😅，女友只吃了D花🌹🌹。服務環境還不錯。

老實講，跟野既食物唔係特別好食，但我好欣賞佢既細心。間餐廳係社企，有部分員工弱聽，所以佢地張墊枱紙有好詳細既選項，比客人指著落單，唔怕員工聽唔到。我食嘅時候，旁邊有幾個客唔知間野原來係社企，所以對員工都幾冇禮貌... 格局方面，間野乾淨，坐得都舒服，性價比都幾高。食物雖然唔算好好食，但勝在種類多，而且大大份，煎牛扒帶見到我食唔晒。個西湯就係普通嘅南瓜粟米湯，食落去有少少似罐頭湯不過都幾好味嘅。希望呢間社企可以愈做愈好啦！

經常幫襯lunch，因為價錢唔貴又多選擇，同埋當支持下，因為呢間是社企，有部分員工是聾啞人士。食物質素唔差，地方又大，仲要有減10蚊coupon，都算抵食。lunch 既好地方！

近排找了一些社企餐廳想去支持一吓。今次黎到呢間有情有意，是由有聽障人仕參與工作的，他們服務有禮，見到佢哋對工作好有熱誠，快手，態度好好，現今難得既餐廳享受啊! 食物味道也很好👇而且環境都好舒適。黑松露帶子意粉: 送上枱時已聞到松露香氣，加了小小黑椒既煎帶子，味道鮮味得黎加埋嘢味，同時都好咬口香煎西冷牛扒: 牛扒淋身，汁醬屬大路黑椒味，好味! 哈哈，仲有香牛油味既薯條，都不錯啊！大家要埋D蔬菜呀，几粒cherry tomato都好甜!

Friends 有情有意依間係一間弱聽人士共融意大利餐廳，無意中行過就入左去食先發現的。餐牌好用心，教食客同聾啞職員溝通。南瓜湯 一拎出嚟有浸香濃嘅南瓜味不過飲落有小小差距。有小小淡，但睇得岀係真材實料煲嘅，有啲料係入面。而且真係有鮮味但係味道偏淡。相對味精湯健康。檸檬茶要自己落糖，係糖水黎的。唔落感覺好正好健康。午餐時段，價錢都只係五十幾蚊，就可以食到西餐，有湯有飲品送。而且味道仲唔錯。依幾日都冇咩胃口，食左個天婦羅蝦蟹柳麻漿冷面真係好開胃！！而且天婦羅蝦係新鮮岀爐，好脆。蟹柳都好有質感，一啲都唔cheap。依道菜係有驚喜！另外友人叫左牛排，都係五十幾蚊，加多十幾蚊仲有新鮮牛食，不過我地就冇加啦。雖然五十幾，但佢嘅肉質同味道都真係對得住依個價錢有餘。肉質軟身，有口感，有厚度。超抵食。不過薯條就麻麻地啦，同埋伴菜過稔。不整體黎講，係唔錯嘅！覺得依種共融餐廳真係好有意義，幫到弱勢人士之外，岀街食飯能多個選擇，餐飯食得更有意義。好食梗係仲加分啦。

門口叔叔好好人，送我地一張$10優惠券，係每人平$10。落單咁啱係聽障人士負責，筆者好緊張，深怕令她為難，每一個指示都努力簡而清。凍飲似一般茶餐廳波士的冷麵味道清新，確實不錯。雞翼係另加的小食，好似係推介菜，但太乾，一般到筆者的比目魚扒，充滿期待是錯誤的，魚扒質地好好，可惜太咸了，調味過了火這項甜品，下次我一定一定不會加購

友人將出走，臨行餞別，互相也沒有頭緒吃甚麼的時候，找到這間餐廳。店名很有意思，就像朋友間的關係。(後來才知道友人曾在那裡搞活動)坐下看到餐桌紙，上面寫了不少提示，原因是這間餐廳的店員，大部份是聽聾啞人士。與他們溝通，不難，跟著做就行了。下單時，特別照顧店員需要，用手指著餐牌，店員便可理解意思，還可以笑笑，用手指公點頭，解作“謝謝/唔該”。友人揀選了黑毛豬豬鞍架配蕃茄意粉; 我揀選了黑松露帶子意粉。豬鞍架看像不乾，有汁感，蕃茄均勻拌著意粉，友人說味道不錯; 帶子意粉是配忌廉汁，加上黑松露，微微的已經帶出味道，帶子彈牙不乾，吃上去有柔軟感，而且體積不少，非常有味道。後來友人需服用中藥，向店員指示水杯，店員看到藥包，貼心的把熱溫水送上。熱心親切。感覺上，她們的缺陷彌補了餐廳的環境氣氛，起碼不會聽到店員間因空閒而閒聊嬉笑起來，增加環境的寧靜感。

其實成日都係巴士app見到呢間餐廳，今日另一伴黎接我嘅時候就搵咗呢間地點方便我地大家嘅一試。其實近年都多咗好多高質社企餐廳，收一個較高嘅價錢，但係食物同服務素質都值得，令到今次我同樣抱住期待嘅心情，希望支持之餘，亦有一個好嘅體驗。 晏晝大約兩點幾到去到人真係唔多，地方都算係咁，幾乾淨，服務員們都主動同有禮。到呢一刻都仲有期待，直到餐湯岀現。 我地每人叫咗一個$58 lunch set，另一半叫咗個忌廉汁意粉，我叫咗個炸餃子拉麵，送一個是日例湯同包一杯熱飲。個餐湯望落去好水好稀，上嘅時候都懷疑咗一陣係日式定西湯。飲咗一啖就岀事啦，隻味同質地同以前加水開嘅即食薯蓉相似，個湯唔同嘅就係佢係加得太多水太稀，只係一碗奶白色同有少少咸味嘅薯仔淡水。以我平時食嘢一滴不漏乾乾淨淨，我都飲多咗兩啖先放棄。 呢個開頭令我極度擔心跟住落黎嘅嘢食同飲品唔會好太多，另一半都話「社企餐廳真係為支持算，食物真係唔得」。因為頭先嗰碗水，令我好想快啲飲有味嘅嘢，呢個時候令人更失望嘅事情發生。我叫咗杯熱奶茶，另一半係涷Cappuccino，杯熱奶茶睇落去好正常，飲落去同個湯一樣，似係橙色同落咗兩匙羹奶茶偏涷嘅暖水，

係理工返學，有時唔想食canteen，想食下其他嘢，想食下西餐嘅set lunch。 係置富嘅FRIENDS係唔錯嘅選擇!除咗因為佢有學生餐，價錢只係四十蚊多啲，非常實惠之外… 呢間餐廳嘅環境都幾唔錯~ 同朋友食飯想有人serve同靜少少傾下偈，呢度算幾適合! 因為唔係好多枱啲枱又唔會話好迫而且set lunch除咗有味道質量唔錯嘅main dish外，仲包埋餐湯同飲品最值得留意嘅係呢間餐廳由社企開辦，為語障聽障人士提供就業機會，幫助佢哋融入社會! 好有意義

3月既時候同朋友去試 餐廳有set menus 有湯有主菜有野飲我地叫左個西冷 好厚肉好好食 勁juice員工非常友善 仲教我地手語好支持社企做多d呢類型既餐廳可以令到聾啞人士都有正常工作機會

今日去睇周杰倫演唱會，早咗d到因為諗住係紅磡食埋晚餐先入場睇，要食飽飯先有力大合唱!然後我就同朋友去咗置富都會商場果到搵野食 我朋友話想食牛扒所以我地就隨便入咗呢間餐廳，入咗去先發現原來佢地係社會企業，專請d 聾啞人士做店員！感覺都幾有意思。我地叫咗2個牛扒餐配薯角，如果要意粉同飯就要加5蚊了。個餐仲包一杯野飲同餐湯，餐湯係南瓜湯。其實講真牛排真係麻麻地因為就係好似佳寶嘅口感調味都沒有特別好，南瓜湯就正常啦，不過偶爾幫親下社會企業都唔錯呀。佢地真係好需要我地支持

呢間社企通常每次睇演唱會都食，但對上一次都已經成年前，而家可以through OpenRice 訂枱又有八五折仲方便。不過訂咗枱去到都大概要等15分鐘。叫咗兩個set dinner 第一個 黑松露野菌意大利飯，對於黑松露迷嘅我，呢個黑松露飯係唔合格，味說欠奉。第二個set 香煎西冷配紅酒汁，呢個扒服務員話無得揀幾成熟，得貴d個澳洲西冷扒先有。牛扒size偏細，反而d薯角幾好食。飲品：叫咗杯熱奶茶，嚟到嘅時候竟然係室溫，唔好話熱，連暖都講唔上，同服務員講，換過杯都係咁，失望。埋單時簽完先發現佢無扣到Openrice 訂枱個85折，之後幫我處理返。總結：之前食果次，食物有質素加社企，所以會同佢promo吓，但今次食完食物質素真係差，有冇下次真係要諗諗。

雖然是社企，但是食材及食物配搭認真。服務員態度友善殷勤。環境寬敞。絕對適合三五知己、家人朋友相聚。今天雖然已經是第三次到訪，食物水準仍然保持質素。絕對值得推薦給各位。