影片
更多
2022-09-18
351 瀏覽
老婆想食和牛壽喜燒, 上網捜尋到呢間專門店. 經典和式木製裝修, 坐位不多, 寬敞舒適, 好有氣氛. 好多廚師, 唔會趕時間去招呼另一枱, 亦有多D時間心機去烹調高質既食物!Deluxe Wagyu Set日本和牛前菜三點磯煮鮑魚, 鮟鱇魚肝, 北海道超甜粟米鮑魚好鮮味又入味, 細細力就咬到. 鮟鱇魚肝真係海中鵝肝, 邪惡程度同鵝肝不相伯仲, 又香又綿. 北海道超甜粟米真係好甜, 雖然唔係第一次食, 但係都依然俾佢既爽甜吸引住, 唔明白點解北海道既生粟米可以咁好食.海之幸刺身三點分別有中拖羅, 帆立貝同埋深海池魚, 三款都好新鮮, 絕對無腥味, 當中帆立貝既品質係最好, 肉質堅廷.蒸物呢個墨魚汁茶碗蒸好獨特, 裡面除左蒸蛋, 仲有八爪魚仔，三文魚籽同埋鋪面既墨魚汁. 味道同平時既茶碗蒸好唔同, 帶有墨魚汁同三文魚籽既淡淡鹹味, 又有蛋既甜甜地, 值得一試.海膽和牛他他精緻漂亮! 底部放左水晶梨粒粒, 和牛, 海膽, 魚子醬, 鵪鶉蛋, 全部撈埋一齊, 爽口, 滑滑, 鮮甜味全部混合, 無得彈!牛料理四品美國熟成牛扒第一道既牛料理主菜開始, 美國熟成肉眼, 味道雖然唔及日本和牛, 但熟成
老婆想食和牛壽喜燒, 上網捜尋到呢間專門店. 經典和式木製裝修, 坐位不多, 寬敞舒適, 好有氣氛. 好多廚師, 唔會趕時間去招呼另一枱, 亦有多D時間心機去烹調高質既食物!
Deluxe Wagyu Set日本和牛
前菜三點磯煮鮑魚, 鮟鱇魚肝, 北海道超甜粟米
鮑魚好鮮味又入味, 細細力就咬到. 鮟鱇魚肝真係海中鵝肝, 邪惡程度同鵝肝不相伯仲, 又香又綿. 北海道超甜粟米真係好甜, 雖然唔係第一次食, 但係都依然俾佢既爽甜吸引住, 唔明白點解北海道既生粟米可以咁好食.
海之幸刺身三點分別有中拖羅, 帆立貝同埋深海池魚, 三款都好新鮮, 絕對無腥味, 當中帆立貝既品質係最好, 肉質堅廷.
蒸物呢個墨魚汁茶碗蒸好獨特, 裡面除左蒸蛋, 仲有八爪魚仔，三文魚籽同埋鋪面既墨魚汁. 味道同平時既茶碗蒸好唔同, 帶有墨魚汁同三文魚籽既淡淡鹹味, 又有蛋既甜甜地, 值得一試.
海膽和牛他他精緻漂亮! 底部放左水晶梨粒粒, 和牛, 海膽, 魚子醬, 鵪鶉蛋, 全部撈埋一齊, 爽口, 滑滑, 鮮甜味全部混合, 無得彈!
牛料理四品
美國熟成牛扒第一道既牛料理主菜開始, 美國熟成肉眼, 味道雖然唔及日本和牛, 但熟成21日既肉眼味道都好突出.
牛脷熟後加上淡雪鹽提升鮮味, 淡雪鹽比較淡身, 所以見師傅落好多其實都唔鹹, 可以放心, 加上辣味蘿蔔, 醋, 配牛脷好夾.
和牛肉眼及和牛西冷未煮已經好吸引, 煮熟後香味更加難以抗拒, 簡直係入口即溶既完美演釋! 無論係鮮味, 肉嫩滑程度, 牛味, 都絕頂.
和牛肉眼比較油膩, 師傅都建議配少少岩手縣既一見鍾情米, 仲有黃雞蛋, 因為黃雞蛋比橙雞蛋淡味, 唔會搶左和牛既鮮味
季節野菜盛合洋蔥, 旺菜, 冬菇
日本紫心蘿蔔
食左咁多和牛有D罪惡感? 唔怕, 有好好味既日本蔬菜俾你平衡番
食事釜飯: 枝豆, 蟹肉, 黑松露, 三文魚子, 都係健康食材, 尤其是枝豆, 估唔到混埋一齊又好食喎, 而且三文魚子無限量添加, 三文魚子控會失控.
汁物舞茸菇清湯
個高身碗好靚, 清湯真係好清澈, 但係味道就好濃, 食完飯飲啱啱好!
甜品甜品時間都係一個重要時刻, 櫻花水信玄餅+柚子雪糕, 一個係日本夢幻和菓子,晶瑩剔透既寒天, 味道微甜入口即溶化, 中間有食用櫻花朵, 配黃豆粉, 黑糖蜜, 再加上柚子雪葩夾餅, 靚到唔捨得食!
張貼
