拉麵來 (已結業)

飛唔到去日本，今日嚟大坑，試下呢間充滿日本氣味嘅拉麵店。而家係食大閘蟹嘅好季節，揀咗限間限定嘅「蟹肉味噌豚肉湯拉麵」啖啖鮮味蟹肉，仲有好多蟹膏😍麵質可以選擇軟硬度，湯底濃度都可以隨自己口味剔選👍🏻豚骨湯底好濃郁。加埋隻流心蛋，蛋王湧住流出嚟，口感一流...小食揀咗免治雞軟骨串，配埋醬汁，可以再encore多兩串。朋友勁讚個餃子好好味，確係足料，煎得好香，餃子皮唔會太厚👍🏻第一次試「綠茶波子汽水」原來兩種味道混埋一齊都幾好飲。今餐食得滿意又滿足，下次可以再嚟試其他款式...