影片
更多
2011-07-20
8 瀏覽
油尖旺地膽既我睇左openrice其中一個食評好似唔錯，但一直都冇去搵黎食，原因係佢地點０係熟食中心；心諗好似唔多方便就一直都冇行到去食。點知．．．。終於有一日同友人諗唔到食咩野好，最後靈機一動就搵依間野食la～用GPS傻傻下兜左個大圈先去到，原來就係０係朗豪酒店而旁邊。最傻係原來係朗豪坊有條橋行過去（唔係去酒店果條wo）講番間茶餐廳當然係冇裝潢，絕對係熟食檔格式，好彩都有ｄ冷氣風扇唔算太熱。當日都有好多人等位，加上個包都要等成15分鐘先出；大家可以叫左先等位都唔怕，佢地會比個牌牌你揸住就有人攞埋比你。咖哩牛腩農夫包($48set)－－－ 咖哩牛腩農夫包 ＋羅宋湯建議２個人share 食，另有一個汁分開上。農夫包熱辣辣脆卜卜，外脆內軟Nice~ 一打開入面既牛腩真係太少，只有４粒牛腩＋２粒筋而且係冇薯仔。味道方面事實唔錯既，牛腩夠”林”咖哩汁唔太辣椰汁較多似番葡式食物，味道岩岩好～個羅宋湯就得人驚拿，啖得黎甜椰椰仲要有漂白水味 （應該D味係個碗到出黎）金牌咖啡未見特別出色～依個包除左牛腩之外仲可以配雞，豬頸肉。唔食牛既都可以試下！
油尖旺地膽既我睇左openrice其中一個食評好似唔錯，但一直都冇去搵黎食，原因係佢地點０係熟食中心；心諗好似唔多方便就一直都冇行到去食。點知．．．。終於有一日同友人諗唔到食咩野好，最後靈機一動就搵依間野食la～用GPS傻傻下兜左個大圈先去到，原來就係０係朗豪酒店而旁邊。最傻係原來係朗豪坊有條橋行過去（唔係去酒店果條wo）
講番間茶餐廳當然係冇裝潢，絕對係熟食檔格式，好彩都有ｄ冷氣風扇唔算太熱。當日都有好多人等位，加上個包都要等成15分鐘先出；大家可以叫左先等位都唔怕，佢地會比個牌牌你揸住就有人攞埋比你。
咖哩牛腩農夫包($48set)－－－ 咖哩牛腩農夫包 ＋羅宋湯
建議２個人share 食，另有一個汁分開上。
農夫包熱辣辣脆卜卜，外脆內軟Nice~ 一打開入面既牛腩真係太少，只有４粒牛腩＋２粒筋而且係冇薯仔。味道方面事實唔錯既，牛腩夠”林”咖哩汁唔太辣椰汁較多似番葡式食物，味道岩岩好～
個羅宋湯就得人驚拿，啖得黎甜椰椰仲要有漂白水味 （應該D味係個碗到出黎）
金牌咖啡未見特別出色～
依個包除左牛腩之外仲可以配雞，豬頸肉。唔食牛既都可以試下！
張貼
