影片
更多
2021-01-04
288 瀏覽
經常喺葵廣都會見到呢間八爪魚丸鋪，好多人排隊，次次見親都唔係太想湊熱鬧。但係嗰晚忽然好想食八爪魚丸，於是就即管排一陣隊啦！以往都有試過好出名嗰間「築地銀だこ」，記得佢地每粒丸裡面都有一粒八爪魚，於是都好期待究竟呢間聲稱「真。章魚無雙」有咩咁特別！我地揀咗最穩陣嘅基本款「真。大阪風」試吓先。等咗5分鐘就攞得，好快！由於仲要行一段距離先去到附近公園享用，唯有行快幾步啦。去到公園，打開個盒，已經見到好多倒汗水。攞支竹簽拮一粒嚟試吓，粒丸好軟腍腍，裡面的麵粉團仲暖暖地，好綿滑嘅感覺！面頭仲有好多木魚片，同沙律醬及和風照燒醬汁撈埋一齊食，好有海鮮嘅味道。由於疫情下，都唔係好敢企喺人多聚集嘅地方進食。希望以後可以一嚐「即買即吃」嘅滋味啦！
以往都有試過好出名嗰間「築地銀だこ」，記得佢地每粒丸裡面都有一粒八爪魚，於是都好期待究竟呢間聲稱「真。章魚無雙」有咩咁特別！
我地揀咗最穩陣嘅基本款「真。大阪風」試吓先。等咗5分鐘就攞得，好快！由於仲要行一段距離先去到附近公園享用，唯有行快幾步啦。
去到公園，打開個盒，已經見到好多倒汗水。攞支竹簽拮一粒嚟試吓，粒丸好軟腍腍，裡面的麵粉團仲暖暖地，好綿滑嘅感覺！面頭仲有好多木魚片，同沙律醬及和風照燒醬汁撈埋一齊食，好有海鮮嘅味道。
由於疫情下，都唔係好敢企喺人多聚集嘅地方進食。希望以後可以一嚐「即買即吃」嘅滋味啦！
張貼
