滬江飯店

營業中

休息中

出黎做野之後，基本上年年都會過黎食大閘蟹，呢度既蟹黃糯米飯再加上陳醋係不得之了既好味。每次單單係個大閘蟹套餐已經食到肚滿腸肥。朋友想食上海野，另外既朋友提議呢間，終於可以試一下其他上海菜。想叫豆腐餃子，可惜原來需要預訂。小籠包皮薄，肉汁都鮮甜。雞絲粉皮麻醬十分濃稠，食落有少少過膩。雪菜百頁毛豆係清清地既選擇，不過個人對雪菜都毛豆都一般般。響鈴火腿夾係每次必食，響鈴又香又脆，用釗包夾住火腿同響鈴，配上蜜糖，真係每次諗起都好回味。最後再叫左個菜飯，味道比一般咸，但係係香口既。