度小月 (海運大廈) (已結業)

知道度小月好出名 成日都想去試下睇下係咪真係咁好味 今日咁啱經過海港城 又唔係好多人排隊就去試下啦🤗叫左4樣野2個人食 有擔仔麵 紹興酒香雞 鹹豬肉炒飯 同埋黃金蝦捲擔仔麵個麵嘅軟硬程度適中 而且個湯好鮮甜好好味 加埋啲肉碎係入面 個口感唔錯而個紹興酒香雞都值得推介一下 雞肉嫩滑唔鞋口 酒味香 好味👍🏻鹹豬肉炒飯就比較普通啲 味道一般 但炒得唔錯 每一粒飯都係乾身嘅 最後就係個黃金蝦捲 好好味 餡料係蝦膠再加左啲配料 本身蝦膠味道已經好香好好味 加埋佢炸得好脆 每咬一口都sok sok 聲👍🏻 正正不過海港城實在太多大陸人 餐廳入面都有好多枱係大陸人 真係好嘈 搞到食完都拿拿林快啲走😅