明水然．樂 Omakase日式鐵板燒創意料理

營業中

休息中

近期超級火熱的台灣鐵板燒，食物質素超級高質， 加上位於天后地鐵站附近的商業大廈高層，可以望見一大個維港景色，有美食又有靚景，這餐鐵板燒性價比太高了。鐵板燒套餐有七百幾及八百幾一位可供選擇，想升級食澳洲龍蝦可+$300 ，我見到一大盆海鮮已經開始流口水了，龍蝦三味是我成個套餐中最享受的食物，因為我實在太喜歡吃龍蝦了，除咗燒龍蝦非常鮮甜彈牙，原來龍蝦肉蒸蛋都好嫩滑，超好味。另外南非鮑魚，燒帶子，魷魚，燒鵝肝及燒魚等，配埋師傅精心調配的伴菜一齊食，除咗味道好之外，賣相亦都非常精美。其實食14道菜鐵板燒，對於我嚟講真係好飽，不過食到差不多最後係日本A4和牛，實在太好食，牛味超級濃郁，肉質軟腍，另外和牛菠蘿包漢堡亦都係驚喜之作，雖然好飽最後我竟然連炒飯都全部吃下，因為真係每度菜色都好好味，絕對不捨得浪費任何每一口食物。