芝加哥串燒 (美豐花園) (已結業)

為左就晒我地兩個，今日就去左大埔食晚飯。見到幾多正評就黎試下。鰻魚最愛食鰻魚，唔會太瘦燒帶子都幾大隻，加左少少配料，但我鍾意清清地無其他醬汁，咁食會鮮味d。串燒（牛、雞、牛舌）味道唔錯，我個人比較愛食雞串，因為仲有蕃茄仔食，但牛串有少少un。燒茄子我平時好少咁食，原來都幾好味，外皮燒到有少少脆，而內𥚃又唔會太乾，我個人特別喜愛。芝士焗雜菌表弟話想食，當然要試試（其實我係食肉獸，好少食菇類）但芝士同菇又好味，表弟差不多一個人食晒。燒魚頭比平時食開的大個好多，好香口，如果有機會一定會再點呢個。蘋果酒幾易入口，果汁味較重。見到好多在日本機場見到的酒。見到其他人叫一杯杯的酒，等我下次都試試先。