一番風味 (已結業)

自從澳門誠昌變得不知所謂之後，一直都搵好味嘅水蟹粥，但都係失望嘅多！其實覺得水蟹粥一直改錯名，正確名應該叫膏蟹粥！好多時點水蟹粥，一上枱，成碗粥都係白色，賣相已經唔吸引，心諗又係煲一煲粥求其放兩隻蟹入去，失望至極！但一番風味嘅水蟹粥，成碗粥都係金黃色，賣相已經夠吸晴！再撈吓碗粥睇吓有咩料先，真係好多蟹膏！份量都唔少！正呀！講色香味，色絕對超滿分，味道方面，由於蟹膏份量不少，每一啖都有蟹膏味，哩點都滿分！由於店內有薰衣草香味，影響咗味覺，所以蟹香味總係唔多覺。如果再將蟹膏打碎d分佈係碗粥內更理想。再點咗隻黃金蝦同黃金軟殼蟹，黃金蛋黃醬著實唔少，近期食軟殼蟹，蟹身都好細隻，今次蟹身好大隻，而且炸得夠香脆。聽個名以為一番風味係日本菜，再了解先知原來食中菜海鮮，不過，單單賣水蟹粥已經夠吸引。